Úkimette koronavırýsqa qarsy vaksınany satyp alý boıynsha Qazaqstan Reseıden basqa taǵy qaı eldermen kelissóz júrgizip jatqanyn málimdedi, dep habarlaıdy Egemen.kz
"Qosymsha COVAX Facility-men vaksınalar men ımmýndaý boıynsha "Jahandyq Alıas" arqyly kelissózder júrgizilip jatyr. Sondaı-aq Qytaıdyń "Sınovak" vaksınasyn klınıkalyq synaqtan ótkizý týraly kelissózder júrgizilip jatqanymen, bul másele áli pysyqtalýda", deıdi Densaýlyq saqtaý vıse-mınıstri Marat Shoranov.
Premer-Mınıstrdiń orynbasary Eraly Toǵjanov elimiz vaksınany satyp alýdyń birde-bir nusqasyn joqqa shyǵarmaıtynyn jáne ol daıyn bolǵan kúnde tıisti klınıkalyq synaqtardan ótetinin túsindirip ótti.
"Budan ózge, tikeleı ınvestısııalar qorymen kelissózder júrgizilýde. Barlyǵy, árıne, klınıkalyq synaqtardyń nátıjesine baılanysty bolmaq. Eń bastysy, otandyq óndiriske basa nazar aýdarýymyz qajet. Osyǵan oraı, Jambyl oblysyndaǵy qaýipsizdik ınstıtýtynyń mamandary klınıkalyq synaqtardyń birinshi kezeńin bastap ketti. Búginde vaksınalardyń eki túri boıynsha naqty múmkindikter bar. Bul máselege Bilim jáne ǵylym mınıstrligi jetekshilik etedi", deıdi E.Toǵjanov.