Freedom Finance Insurance saqtandyrý kompanııasy zertteý barysynda, Qazaqstanda avtomashınalarǵa benzın nemese dızel, ıakı-gaz, aralas otyn quıatynyn nemese elektrmen qýattaıtynyn anyqtady, dep habarlaıdy Egemen.kz.
QR UEM statıstıka jónindegi Komıtetiniń málimetteri boıynsha, 2020 jyldyń 1 shildesine qarasty Qazaqstanda 3,9 mln. jeńil avtomashınalar tirkelgen. Bul byltyrǵy jylmen salystyrǵanda, 5% astam. Tirkelgen avtomobılder sanynyń jetekshisi retinde burynǵysha Almaty oblysy jáne Almaty qalasy sanalýda. Alaıda, 2020 jyly, atalǵan eki aýmaqta avtomashınalar sany 1% qysqardy (491 061 jáne 468 495 avtoǵa sáıkes).
Qazaqstandyqtardyń 88,8% benzın quıady, al 7,4% – aralas otyn, 1,9% – dızel, 0,1% – gazoballon paıdalanady, al 0,01% elektrmen qýattaıdy. Kópshiligi benzın quıatynyna qaramastan, keıbir aýmaqtarda júrgizýshiler aralas otynyn paıdalanýdy unatady.
Qazaqstandyqtar qandaı otyn quıady?
Benzın. Elimizde 3 454 104 jeńil avtomashınalar benzın quıady. Olardyń kóbisi Almaty qalasynda (12%), Nur-Sultan qalasynda (7%), Almaty oblysynda (13%), Shyǵys Qazaqstan oblysynda- (8%), Qaraǵandy oblysynda (8%) jáne Ońtústik Qazaqstan oblystarynda (6%). Benzındi Túrkistan jáne Mańǵystaý oblystarynda sırek qoldanady. Onda bar bolǵany 2% «benzındik» avtomashınalar tirkelgen.
Dızel otyny. 75 313 avtokólik ıeleri dızel quıady. Dızel otynyn paıdalaný jetekshisi retinde Almaty (25%) jáne Almaty oblysy (16%) avtomashınalary tabylady. Eń az «dızeldik» avto Kyzylorda (2%), Pavlodar (1%) jáne Aqtóbe oblystarynda (1%).
Gazoballon otyny. Bundaı otyndy Qazaqstanda bar bolǵany 3 772 avtomobıl quıady. Gazoballon otynyn paıdalanatyn kólik quraldary kóbine Almaty qalasynda (14%), Nur-Sultan qalasynda (4%) jáne Almaty oblysynda (4%) kezdesedi. Gaz paıdalanatyn jeńil avtomashınalardyń eń az paıyzdyq sany – Qostanaı, Batys Qazaqstan jáne Shyǵys Qazaqstan oblystarynda. Bul aýmaqtarda jıyntyǵymen alǵanda, 123 avtomobıl gazoballon otynynda júredi.
Aralas otyn. Bul otyn túrin paıdalanatyn jeńil avtomashınalardyń jalpy sany – 286 793 birlik. Gıbrıd túrin unatatyndar kópshiligi Mańǵystaý jáne Aqtóbe oblystarynda – 26% jáne 12% sáıkes. Avtokólik ıeleri aralas otynyn eń az paıdalanatyn aýmaqtary Pavlodar (2%)jáne Shyǵys Qazaqstan oblystarynda (1%).
Elektr qýaty. QR bar bolǵany 582 elektromobıl tirkelgen. Onyń ishinde, 438 birligi aýmaǵy anyqtalmaı tirkelgen. Eń kóp elektromobıl sany Almaty qalasynda tirkelgen – 62 birlik. Alaıda, byltyrǵy sany 18 birlik astam bolǵan. Nur-Sultan qalasynda bir jyl ishinde elektromobıl sany 7 birlikke kemigen (qazir 44 avto tirkelgen). Qostanaı oblysynda – 13 elektromobıl. Elektr qýatymen júretin jeńil avtomashınalary tirkelgen nóldik kórsetkishi – Atyraý, Túrkistan, Shyǵys Qazaqstan oblystarynda jáne Shymkent qalasynda.
Otynnyń qaı túri eń únemdi?
Elektr túri
Álbette, elektromobılder basqa kólik quraldaryna qaraǵanda, ekologııa turǵysynan paıdaly, sebebi ýglerod tastandysy joq, biraq olar qymbatqa túsedi jáne «quıýy» uzaq. Avtomashınany elektrmen qýattaý úshin 40 mınýt ýaqyt ketedi, al qarapaıym avtozapravkada mashınalar 5 mınýtten artyq turmaıdy.
Dızel
Eger benzın modelderimen salystyrsaq, dızel arqyly júretin avtomashınalary taza jáne shýsyz dep sanalady. Sonymen qatar, olardyń otyn shyǵyny benzındik avtomashınalarǵa qaraǵanda azyraq.
Gaz
Benzınnen arzan turady. Biraq gaz avtolary bir quıylmasymen, dızel jáne benzın quıylmasy bar avtomashınalardan kem jol júredi . Taǵy bir mınýsy bar – gaz ballondary yqsham dep sanalmaıdy. Olar jeńil avtomashınada kóp oryn alady.
Aralas otyn. Bul túrin alsaq, shyǵyny dızel jáne benzın nemese taza benzındik avtolaryna qaraǵanda az. Demek, gıbrıdter uzaq jáne jıi júrý kezinde tıimdi, ásirese qala jaǵdaılarynda.
Benzın
Elektromobıl, gıbrıd, gaz jáne dızeldik avtomashınalarynyń jaǵymdy jaqtaryn alǵanmen, ishki janý qozǵaltqyshy bar kóligi únemdi jáne qolaıly bolýy múmkin. Mysaly, qozǵaltqysh kólemi shaǵyn avtomashınalar otyn shyǵynyn únemdeıdi, ásirese uzaq qashyqtyqtarda. Sondaı-aq, atalǵan mashınalardyń quny gıbrıdtik kólik pen elektromobılderge qaraǵanda qoljetimdi.
Freedom Finance Insurance SK mamandarynyń pikirine sáıkes, eń únemdi otyn túri týraly bir maǵynaly jaýap berý múmkin emes. Ár kólik ıesi, baǵasy, modeli, otyn túri jáne basqa krıterııleri qolaıly avtomashınasyn derbes tańdaıdy. Aıta ketetin, sizdiń avtońyzdyń otynyna táýelsiz, eń bastysy onyń sapasyna nazar aýdarý qajet. Saqtandyrý kompanııasynyń mamandary, sapasyz otyn paıdalaný saldarynan bolǵan kóliktiń buzylýy saqtandyrý jaǵdaıy retinde qaralmaıtynyn túsindirdi, ol Sizdiń saqtandyrý polısińizge qatyssyz (KASKO nemese OGPO) bolsada.