Qazaqstanda tumaýǵa qarsy josparly vaksınasııa belgilengen ýaqyttan eki apta buryn bastalady. Bul týraly Densaýlyq saqtaý mınıstrliginiń resmı ókili Baǵdat Qojahmetov aıtty, - dep habarlaıdy Egemen.kz.
"Qazaqstanda tumaýǵa qarsy josparly vaksınasııa 15 qyrkúıekte bastalady. Árıne, bul ádettegiden eki apta erte. О́ıtkeni, azamattardyń jedel respıratorlyq aýrýlar kezinde tumaýǵa turaqty ımmýnıtetti damytyp úlgerýi úshin mınıstrlik sondaı sheshimge keldi", dedi Qodjahmetov OKQ brıfınginde.
Onyń aıtýynsha, tumaýǵa qarsy vaksına 6 aıdan 12 aıǵa deıin ımmýnıtet beredi.
"Azamattar vaksına ala alatyn bes myńnan astam bólme daıyndaldy. Maýsymdyq vaksınasııaǵa daıyndyq barysynda jeti myńnan astam dáriger men 15 myń kishi medısınalyq qyzmetkerler oqytyldy", dedi Baǵdat Qojahmetov.