Sovetter shyńynda bir top týrıst adasyp ketkeni jóninde Respýblıkalyq jedel qutqarý otrıadynyń kezekshi bólimine aqparat kelip tústi, dep habarlaıdy Egemen.kz Tótenshe jaǵdaılar komıtetiniń baspasóz qyzmetine silteme jasap.
"Tórt týrıstiń biri Reseı azamatshasy bolǵan. Olar taýǵa tańerteń aýa raıy ashyq bolǵanda attanǵan. Taýdyń basyna jetip, qaıtar kezde qalyń tuman túsedi. Týrıster soqpaq joldan adasady. Adasqandar Respýblıkalyq jedel qutqarý otrıadynyń qutqarýshylarynan kómek suraǵan kezde aınala qarańǵy bolyp ketedi. Olardyń aıtýynsha, Sovetter shyńynyń baýraıynda shaǵyn taqta alańda turǵan, ary qaraı qaıda júrerin bilmegen.
Tıisti sala mamandary týrısterge adasqan jaǵdaıda eshqaıda ketpeýdi, kómekti sonda kútý kerektigin eskertedi. Qutqarýshylar taýǵa shyqqandardyń qaı tusta turǵanyn jobalap, sonda jaıaý attanady. Izdestirý kezinde 3800 metr bıikte jedel top adasyp qalǵandardy tapty. Qutqarýshy medısına qyzmetkeri týrısterdi qarady, olar tońyp qalǵan, aıaq-qoldaryn syzyp alǵan. Qatty qoryqqany bolmasa jaǵdaılary jaqsy bolǵan. Odan keıin qutqarýshylar týrısterde qaýipsiz jerge deıin ertip shyqty. О́ıtkeni eńis ári syrǵyma tas kóp edi, keı tusta quz bar bolatyn.
Tań ata bastaǵanda barlyǵy taý etegine túsip, týrısterdiń kóligi turǵan turaqqa jetti. Olar medısınalyq kómekten bas tartty", delingen habarlamada.