Qazgıdromet ortalyǵy 8-10 qyrkúıekke arnalǵan aýa raıy boljamyn jasady, dep habarlaıdy Egemen.kz.
Mamandardyń aıtýynsha, aptanyń basynda respýblıkanyń basym bóliginde kún jylynady. Bul rette aýa raıy jaýyn-shashynsyz bolatyny da basa aıtylǵan. Alaıda ortalyq jáne Shyǵys Qazaqstannyń jekelegen aýdandarynda túngi jáne tańǵy ýaqytta úsik baıqalady. Kúzdiń alǵashqy aıynda túnde salqyn, al kúndiz jyly aýa raıy kútiledi.
Buǵan deıin "Qazgıdromet" Qazaqstanda qyrkúıek aıynda aýa raıy týraly habarlaǵan edi. Atap aıtqanda, bir aıda ortasha aýa temperatýrasy respýblıkanyń basym bóliginde normadan bir gradýsqa joǵary, Soltústik Qazaqstan, Aqmola, Pavlodar, Qostanaı, Qaraǵandy, Shyǵys Qazaqstan, Almaty oblystarynyń basym bóliginde normaǵa jýyq bolady dep habarlanǵan.