Shveısarııanyń Federaldyq Qoǵamdyq densaýlyq saqtaý basqarmasy Qazaqstandy osy elge oralǵanda azamattary karantındi saqtaý qajet elder tiziminen alyp tastady, dep habarlaıdy Egemen.kz.
Shveısarııaǵa belgili bir elderden jáne "juqtyrý qaýpi joǵary" aımaqtardan kelgen adamdar karantınge jatqyzylýy kerek. Bul elderdiń tizimi 7 qyrkúıekten bastap qaıta jańartyldy.
Qazaqstannan basqa, tizimnen Qyrǵyzstan, sondaı-aq Belgııa, Salvador, Esvatını (Svazılend), Lıýksembýrg, Meksıka jáne Oman elderi de shyǵaryldy.
Aıta keteıik, Shveısarııa adam qaı elden ushyp kelgenin ǵana emes, sońǵy 14 kún ishinde qaı memleketterde bolǵanyn da eskerip, shara qabyldaıdy.