О́ńirlik kommýnıkasııalar qyzmeti alańynda ótken brıfıngte QR Memlekettik qyzmet isteri agenttiginiń Aqmola oblysy boıynsha departamentiniń basshysy Bergen Bespalınov Joldaýdy iske asyrý sheńberinde josparlanyp otyrǵan reformalar memlekettik apparattyń jumysyna jańa serpin beretinin málimdedi, dep jazady Egemen.kz.
"Memleket basshysy atap ótkendeı, memlekettik basqarýǵa, kadr saıasatyna, sheshimder qabyldaý men olardyń oryndalýy úshin jaýapkershilik júıesine qoıylatyn tásilderdi ózgertý qajet. Bizge kásibı deńgeıi joǵary, jańa kózqarastar men bastamalarǵa ıe mamandar qajet. Quzyretti jáne básekege qabiletti mamandarty tartý – Agenttiktiń dittegen basty maqsattarynyń biri. Osyǵan oraı memlekettik qyzmetke irikteý rásimi jyldan jylǵa jetilýde. Búgin qajetti normatıvti-quqyqtyq baza jumys isteýde", degen B.Bespalınov bul salada ári tyndyrar istiń mol ekenin málimdedi.
О́z Joldaýynda Prezıdent memlekettik apparatty jáne kvazımemlekettik sektor qyzmetkerlerin qysqartý merzimderin jyldamdatýdy tapsyrdy. Shaǵyn ári tıimdi memlekettik apparatty qalyptastyrý maqsatynda Agenttik saýatty ári jan-jaqty oılastyrylǵan ońtaılandyrý qaǵıdatyn ustanatyn bolady.
Memlekettik organdardyń qurylymdaryndaǵy artyq salalar qaıta qarastyrylady. Nátıjesinde qaıtalanatyn mindetter joıylyp, bıznes-prosesster joǵary avtomattandyrý jáne sıfrlandyrý arqyly ońtaılandyrylatyn bolady. Laýazymdardy ońtaılandyrý barysynda bos jáne áleýetti bos laýazymdar eskeriletin bolady.
Brıfıngti qoryta kele, B.Bespalınov qoıylǵan mindetterdiń ýaqytyly jáne ózekti ekenin, al memlekettik apparattyń osy mindetterdi sheshýge qaýqary bar ekendigin atap ótti.