Qazaqstanda jaıly turǵyn úıdi jalǵa alý baǵasy shamamen 10 paıyzǵa, al ortasha jaǵdaıdaǵy turǵyn úıdi jalǵa alý tórt paıyzǵa ósken, dep habarlaıdy Egemen.kz.
Belgili bolǵandaı, el boıynsha shilde aıynda eldegi abattandyrylǵan turǵyn úıdi jalǵa berýdiń ortasha baǵasy bir sharshy metrge 1,6 myń teńgeni qurady. Bul bir jyl burynǵyǵa qaraǵanda 9,5 paıyzǵa artyq. Maýsym aıymen salystyrǵanda abattandyrylǵan turǵyn úıdi jalǵa alý quny 0,4 paıyzǵa ósken.
Abattandyrylmaǵan turǵyn úıdi jalǵa alýdyń ortasha quny bir sharshy metrge 832 teńgeni qurady, bul bir jyl burynǵyǵa qaraǵanda tórt paıyzǵa qymbat. Aǵymdaǵy jyldyń maýsymymen salystyrǵanda jaldaý quny ózgerissiz qaldy.
Elimizdiń iri qalalary arasynda abattandyrylǵan turǵyn úıdi jalǵa alýdyń eń joǵary ortasha baǵasy Nur-Sultanda tirkelgen: bir sharshy metrge 3,1 myń teńge. Bul bir jyl burynǵyǵa qaraǵanda 10,3 paıyzǵa kóp.
Aıta keteıik, elimiz boıynsha páter quny qymbat iri qalalardyń úshtigine Almaty men Aqtaý da kiredi.
.