Premer-Mınıstr Asqar Mamınniń tóraǵalyǵymen ótken Úkimet otyrysynda energetıka mınıstri Nurlan Noǵaev 2020 jyldyń qańtar-tamyz aılarynyń qorytyndysy boıynsha otyn-energetıka salasyndaǵy qazirgi jaǵdaı týraly baıandady. Bul týraly Premer-Mınıstrdiń baspasóz qyzmeti habarlaıdy.
2020 jylǵy qańtar-tamyz aılarynyń qorytyndysy boıynsha munaı jáne kondensat óndirý kólemi 58,3 mln tonnaǵa jetti, 2020 jyldyń jospary 85,2 mln tonnany quraıdy. Munaı eksporty 47,3 mln tonnany qurady, 2020 jyldyń boljamy – 67,5 mln tonna.
Esepti kezeńde gaz óndirý kólemi 37,7 mlrd tekshe metrdi qurady, 2020 jyldyń jospary – 56,5 mlrd tekshe metr. Taýarlyq gazdy ishki tutyný kólemi 10,2 mlrd tekshe metrge jetti. 2020 jyldyń jospary – 16,5 mlrd tekshe metr. Suıytylǵan munaı gazyn óndirý kólemi 2,06 mln tonnany qurady, sonyń ishinde 8 aıdyń qorytyndysy boıynsha 1,40 mln tonna ishki naryqta paıdalanyldy.
2020 jyldyń jospary – 3,2 mln tonna. Munaı ónimderin óndirý 2020 jyldyń qańtar-tamyz aılarynyń qorytyndysy boıynsha 7,4 mln tonnany qurady, sonyń ishinde:
avtobenzın óndirý – 2,87 mln tonna.
Dızel otynyn óndirý – 3 mln tonna.
Avıaotyn óndirý – 277 myń tonna.
Mazýt óndirý – 1,3 mln tonna.
2020 jylǵa arnalǵan munaı ónimderin óndirý jospary 11,6 mln tonna.
Bıtým óndirisi 2020 jyldyń qańtar-tamyz aılarynyń qorytyndysy boıynsha 675 myń tonnaǵa jetti, 2020 jyldyń jospary – 983 myń tonna.
"Búgingi tańda ishki naryq ózimizde óndirilgen munaı ónimderimen tolyq qamtamasyz etilgen", dedi N.Noǵaev. Munaı-gaz-hımııa ónimderin óndirý kólemi 262 myń tonnaǵa jetti, 2020 jyldyń jospary – 400 myń tonna. Esepti kezeńde 69,5 mlrd kVt/saǵat elektr energııasy óndirildi, 2020 jyldyń jospary – 105,2 mlrd kVt/saǵat. Bul rette N. Noǵaev elektr energııasyn óndirý tikeleı energııa tutyný kólemine qatysty ekendigin aıtty. Esepti kezeńde iri apattyq jaǵdaılar tirkelgen joq. Ýran óndirý kólemi 13,5 myń tonna boldy, 2020 jyldyń jospary 19,3 myń tonnany quraıdy.
"Negizgi kórsetkishterge qol jetkizý Energetıka mınıstrliginiń turaqty baqylaýynda", dep túıindedi N.Noǵaev.