Grekııa elinde Dımash Qudaıbergenniń shyǵarmashylyǵyn nasıhattaıtyn jańa onlaın radıo ashyldy, dep habarlaıdy Egemen.kz Habar 24-ke silteme jasap.
Dimash Greece qazaq ónerpazynyń ánderin táýlik boıy translıasııalaıdy, dep habarlady dimashnews.com. Radıostansııa álemdik ǵalamtor jelisine shilde aıynan bastap shyǵa bastady. Aptanyń 7 kúninde táýligine 24 saǵat jelide Dımash Qudaıbergenniń ánderi shyrqalady.
Súıikti ánshileriniń shyǵarmashylyǵyn óz elinde keńinen nasıhattaý úshin Grekııadaǵy Dear-lar radıo sátti ári nátejıeli sheshim bolatynyna senimdi. Dimash Kudaibergen Greece fan-klýbynyń ákimshisi Lena Vork onlaın radıo arqyly Grekııadaǵy Dımashtyń shyǵarmashylyǵyna tabynýshylardyń qataryn arttyrmaqshy. Oıyn júzege asyrý úshin ózge eldegi fan-klýbtardyń tájirıbesin meńgergen. Taldaý jasaı otyryp, óziniń radıostansııasyn iske qosty. Grekııadaǵy Dımashtyń fan-klýby jýyrda ǵana ózderiniń 2 jyldyǵyn atap ótti.
Olar Dımashtyń shyǵarmashylyǵyna qatysty sharalar uıymdastyryp, qazaq ulynyń ónerin nasıhattaýda belsendi ister atqaryp júr. Buǵan deıin Polshada "Dımash" radıosy ashylǵan edi.