Elimizde ótken táýlikte 2 órt oshaǵy tirkeldi, dep habarlaıdy Egemen.kz IIM TJD-ǵa silteme jasap.
Statıstıka kórsetip otyrǵandaı, respýblıka aýmaǵynda bolǵan órttiń 47%-y otty abaısyz paıdalaný sebebinen týyndaǵan. 2020 jyldyń basynan beri osy sebepten turǵyn úı sektorynda 2 349 órt oryn aldy. Onyń saldarynan 72 adam jaraqat aldy jáne 74 adam kóz jumdy. Tek ótken táýlikte osy sebepten 2 órt tirkeldi.
Máselen, 8 qyrkúıekte Qostanaı qalasynda Mıroshnıchenko kóshesi boıynsha 1-qabattaǵy páterde aýdany 35 sharshy metr órt shyqty. Úı turǵyndary ýly gazben ýlaný belgilerimen aýrýhanaǵa jatqyzyldy. О́rttiń paıda bolý sebebi, gaz plıtasynda tamaq qaldyrylǵan.
Ekinshi órt sol kúni Aqmola oblysynyń Esil qalasynda boldy. О́rt sóndirýshiler 1940 jyly týǵan úı ıesin qutqardy, ol kisi ýly gazben ýlaný belgilerimen aýrýhanaǵa jatqyzyldy.
О́rttiń aldyn alý úshin turmysta mynadaı órt qaýipsizdik qaǵıdalaryn saqtańyzdar:
- tósekte temeki shekpeńiz, balkondar men lodjııalardan temeki shekpeńizder;
- plıtada daıyndalǵan taǵamdy baqylaýsyz qaldyrmańyzdar;
- sirińkeler men órtegish quraldardy balalardyń qoly jetpeıtin jerlerde saqtańyzdar;
- úıden shyqqan kezde barlyq gaz jáne elektr jabdyqtarynyń óshirilgenine kóz jetkizińizder.