Basylymnyń jazýynsha, jahandyq klımattyq daǵdarys saldarynan 30 jyldan keıin álem halqy 1,2 mlrd adamǵa azaıady. Mundaı sheshimge Sıdneı Ekonomıka ınstıtýtyna qarasty Ekologııalyq qaýip regıstriniń «Klımattaǵy ózgeris álemdegi beıbitshilik pen damýǵa keri áser etip, adam ólimine ákeledi» degen gıpotezasy sebep bolyp otyr.
Olardyń pikirinshe, baıaý damyp kele jatqan memleketter ekologııalyq problema, saıası turaqsyzdyq pen áleýmettik teńsizdikpen betpe-bet kelgende, ekonomıkalyq kollapsqa ushyrap, adam shyǵynyna ákeledi. Mundaı tujyrym jasaýǵa BUU-nyń Ishki kóshi-qon monıtorıng ortalyǵynyń zertteýi, Azyq-túlik pen aýylsharýashylyq uıymynyń statıstıkasy negiz bolǵan. Boljam boıynsha aldaǵy 30 jylda 31 memlekette shamamen 1 mlrd adam shyǵyny bolýy yqtımal. Ol memleketterdiń qatarynda Ońtústik Azııa, Taıaý Shyǵys pen Soltústik Afrıka elderi bar.