Elorda ákimdiginiń Qoǵamdyq densaýlyq saqtaý basqarmasy KVI-dyń múmkin degen jańa tolqynynda turǵyndarǵa psıhologterdi tartý arqyly psıhologııalyq kómek kórsetetin bolady, dep habarlaıdy Egemen.kz qala ákimdiginiń baspasóz qyzmetine silteme jasap.
Emhanalardyń beıindi mamandary osy baǵytta jumys isteýge tartylatyn bolady.
"Qala turǵyndarynda KVI boıynsha suraqtar týyndaǵan kezde halyqty tolyq aqparatpen qamtamasyz etý úshin emhanalardaǵy Call-ortalyqtardyń jumysyn kúsheıtemiz. Bizdiń psıhologter halyqtyń tolǵandyratyn suraqtaryna jaýap berýge, psıhologııalyq qoldaý kórsetýge daıyn", dedi Basqarma basshysynyń orynbasary Álııa Rústemova.
Call-ortalyqtardyń telefondary basqarmanyń, qalalyq medısınalyq uıymdardyń saıtynda jáne áleýmettik jelilerde ornalastyrylady. Sondaı-aq ambýlatorııalyq kómek deńgeıinde naýqastardy ońaltý boıynsha jumystar ázirlenip jatyr.