Densaýlyq saqtaý mınıstrliginiń resmı ókili Baǵdat Qojahmetov koronavırýs juqtyrǵan naýqastardyń qandaı ilespe aýrýlardan kóz jumǵanyn aıtty, dep habarlaıdy Egemen.kz.
"Elimizde 576 adam koronavırýs juqtyryp, ilespe dıagnozdan qaıtys bolǵan. KVI naýqastarynda eń jıi kezdesetin ilespe patologııa – tynys alý organdarynyń aýrýlary. 52,4 paıyz adam osy patologııa boıynsha qaıtys bolǵan. Qan aınalymy júıesi aýrýlarynan – 29 paıyz, isikterden – 4 paıyz adam qaıtys bolǵan jáne qalǵan 14,6 paıyzy basqa patologııalardan kóz jumdy", dedi Baǵdat Qojahmetov.