Damýshy jáne shekara naryqtaryna mamandandyrylǵan Renaissance Capital ınvestısııalyq kompanııasy Qazaqstan ekonomıkasyna qatysty osyndaı boljam jasady, dep habarlaıdy Egemen.kz.
Kompanııa QR ekonomıkasy 2020 jyly óziniń egemen reıtıngterin saqtap qalady dep kútedi jáne olardy ortasha merzimdi perspektıvada arttyrý áleýetin baıqap otyr.
Bıyl ekonomıkanyń shıkizat naryqtaryndaǵy quldyraýdan aıtarlyqtaı zardap shekkenine qaramastan, jalpy jaǵdaı oń. Ulttyq ekonomıkanyń turaqtylyq faktorlarynyń biri pandemııa kórinisterine, onyń ishinde JIО́ qurylymyndaǵy kórsetiletin qyzmetterdiń salystyrmaly úlesine tómen áseri boldy.
Osy jyldyń mamyr aıynda alǵashqy karantın sharalary jeńildetilgen soń, ekonomıkany qalpyna keltirý salystyrmaly túrde jyldam júrgizildi, bul rette barlyq ekonomıkalyq kórsetkishter jaqsarǵanyn kórsetti. 2020 jyldyń 3 toqsanynyń basynda koronavırýstyń ekinshi tolqyny ony qalpyna keltirýge kedergi keltirdi. Biraq shekteýlerdiń áseri negizinen qyzmet kórsetý salasynda ǵana baıqaldy.
Artta qalǵan sektorlardyń biri taý-ken óndirisi salasy boldy, oǵan OPEK+ kelisimderine sáıkes munaı óndirýdi qysqartý da áserin tıgizgen.
Kompanııa 2020 jyldyń. 1 jartysynda úzdik nátıje kórsetken qurylys, telekommýnıkasııa jáne aýyl sharýashylyǵy salalary (sáıkesinshe 11,2%, 9,0% jáne 2,4% ósimmen) ósýdiń ozyq qarqynyn kórsetýdi jalǵastyrady dep boljap otyr.
"Pandemııadan asa zardap shekken tutynýshylyq qyzmetter, bólshek saýda jáne kólik sııaqty sektorlar 2021 jyly qalpyna keltirý ósiminiń zor áleýetine ıe", deıdi mamandar.