Birikken Ulttar Uıymynyń bilim, ǵylym jáne mádenıet jónindegi uıymynyń (IýNESKO) janyndaǵy Túrkitildes memleketterdiń Turaqty ókilderi Túrki mádenıeti halyqaralyq uıymynyń (TIýRKSOI) Bas hatshysy Dúısen Qaseıinovpen kezdesý ótkizdi, dep habarlaıdy Egemen.kz.
Kezdesý qatysýshylary 2021 jyly Ázerbaıjan, Qazaqstan, Qyrǵyzstan, Túrikmenstan men О́zbekstan táýelsizdiginiń 30-jyldyǵyn merekeleý aıasynda TIýRKSOI-ǵa múshe memleketterdegi mádenı jáne tabıǵı mura nysandaryn tanystyrý maqsatynda IýNESKO shtab páterinde birlesken is-sharalardy ótkizý josparlaryn talqyǵa saldy.
Is-shara aıasynda D. Qaseıinov IýNESKO alańynda túrki mádenıeti men ónerin ilgeriletýge qosyp júrgen eleýli úlesin atap ótý maqsatynda IýNESKO Bas konferensııasynyń Tóraǵasy – Túrkııanyń Turaqty ókili Altaı Chengızerdi TIýRKSOI qazaqtyń ǵulama aqyny men oıshylynyń 175-jyldyǵyna oraı taǵaıyndaǵan «Abaı» estelik medalimen marapattady.
Kezdesý TIýRKSOI basshysynyń Materıaldyq emes mádenı murany qorǵaý jónindegi Konvensııanyń VIII Bas assambleıasy aıasyna qatysýynyń aıasynda ótti. D. Qaseınov IýNESKO Bas dırektorynyń mádenıet jónindegi orynbasary Ernesto Ottone Ramırespen kelissózder ótkizip, suhbattasymen álemniń túrkitildes jáne basqa da halyqtardyń ortaq muralaryn qorǵaý jáne nasıhattaý salasynda kókeıkesti bastamalar men jobalardy júzege asyrýda ózara qoldaý múmkindikteri boıynsha pikir almasty.