Sıfrlyq damý, ınnovasııalar men aeroǵarysh ónerkásibi mınıstri Baǵdat Mýsın Prezıdent Joldaýy aıasynda ózi jetekshilik etip otyrǵan vedomstvonyń basty maqsatyn atady, dep habarlaıdy Egemen.kz QazAqparatqa silteme jasap.
"Prezıdenttiń Joldaýyna bir qujat kúıinde ǵana qaramaý kerek. Sebebi Memleket basshysynyń buǵan deıingi aıtqan sózderi men kótergen bastamalary osy Joldaýdy tolyqtyryp tur. Bizge qatysty eń basty aıtylǵany sıfrlandyrý – búkil reformanyń bazalyq elementine aınalýy tıis. Bul – maqsatqa jetýdegi qural. Ártúrli saladaǵy mejelerge jetý, memlekettik basqarý júıesin jańǵyrtý sekildi salalarda sıfrlyq maqsattar bar. Al bizdiń maqsat – shynynda da búkil reformalar prosesin jedeldetetin bazalyq elementke aınalý. Jalpy Memleket basshysy bizge júktegen prosesterdi jedeldetetin bazany qurýymyz kerek", dedi Baǵdar Mýsın Prezıdenttik jastar kadrlyq rezervindegi azamattarmen kezdesý barysynda.
Mınıstr Memleket basshysynyń onlaın-petısııalar týraly aıtqan bastamasy qoldaýǵa ıe bolǵanyn, ony ázirleýge ózi jetekshilik etetin mınıstrlik Aqparat jáne qoǵamdyq damý mınıstrligimen birge atsalysatynyn jetkizdi.
"Data-ortalyqtar men maınıngti ister boıynsha biz Qazaqstanǵa 500 mlrd teńge ınvestısııa tartýymyz kerek. Sonymen qatar, Prezıdent bizge IT-salany ónerkásip salasyna jaqyndatýdy júktedi. Álem ekojúıe startapyn qalyptastyrý fazasyna ótip ketti. Osynaý qatty jyldamdyqpen kele jatqan álemdik trendten biz de qalysqymyz kelmeıdi. Shynynda da ekinshi whatsapp nemese qandaı da áleýmettik jeliler túrin oılap tabýǵa bolady. Al biraq shyntýaıtynda biz memleket retinde óz basymdyqtarymyzdy aıqyndap alýymyz kerek. О́zimizdiń bazalyq resýrstarymyzdyń arqasynda qandaı da bir on úzdik salany alaıyq. Máselen munaı, taý-ken ónerkásibi salasynda Qazaqstan álemniń 10 nemese 20 úzdik memleketiniń qatarynda. Mine, biz ekojúıelerdiń startaptaryn osy ındýstrııaǵa jaqyndatqymyz keledi", dedi ol.