Qazaqstan Respýblıkasynyń UQK elorda aýmaǵynda bopsalaý, reıderlik jáne zańsyz qarý-jaraq aınalymymen aınalysqan qylmystyq toptardy joıdy, dep habarlaıdy Egemen.kz.
Qylmystyq toptar osy ýaqytqa deıin "Alıbovskıe", "Ibragımova" jáne "Mahmýdova" ataýlarymen áreket etken. Olar keshe, ıaǵnı 2020 jyldyń 11 qyrkúıeginde qolǵa tústi.
Atalǵan toptardyń 12 jetekshisi men belsendi músheleri ustaldy. Aıta keterligi, olardyń biri terrorıstik sıpattaǵy birneshe qylmys jasaǵany úshin halyqaralyq izdeýde júrgen.
UQK málimdeýinshe, aýqymdy operasııa sheńberindegi tutqyndaý jumystary Nur-Sultan, Almaty, Aqtóbe jáne Qostanaı qalalarynda bir ýaqytta júrgizilipti. Qazir osy operasııa boıynsha tergeý sharalary jalǵasýda.
Aıta keteıik, qylmystyq toptan atys qarýy men jarylǵysh qurylǵylardyń úlken arsenaly tabylǵan.