Elordadaǵy kópirdiń astyndaǵy alańda Zarına Dıas, Áljan Jarmuhamedov, Djeıms Lebron jáne basqa da áıgili sportshylardyń graffıtı-sýretteri paıda boldy, dep habarlaıdy Egemen.kz QazAqparatqa silteme jasap.
Elorda ákimdiginiń baspasóz qyzmetiniń málimetinshe, Nur-Sultanda taǵy bir art-keńistikti bezendirý jumystary júrgizilip jatyr. Ol aýmaq L.Gýmılev atyndaǵy Eýrazııa ulttyq ýnıversıtetiniń janyndaǵy kópirdiń astyndaǵy alań.
Ol jerde skeıt-aýmaq, ústel tennısine arnalǵan jer men workout-aýmaq ornalastyrylady.
"Bul ıdeıa sportpen aınalysý úshin jaıly jaǵdaı jasaý nıetinen týyp otyr. Mundaǵy maqsat - buqaralyq sportty damytý. Jastarda baǵyt-baǵdar, alar úlgi bolýy kerek. Olar oınap ta, shynyǵyp júrip te myqtylardan úlgi alýy kerek", dep habarlaıdy ákimdikten.
Graffıtı-sýretterdiń tanystyrylýyna qala ákimi Altaı Kólginov qatysty.
"Bul keńistikte azamattar sportpen aınalysady ári serýendeı alady. Qazir nysandardyń bári jabyq bolǵandyqtan sportpen aınalysýdyń mańyzy óte zor. Bıyl ǵana 150 aýla abattandyryldy. Osy bastama jastardyń sportpen aınalysýyna muryndyq bolaryna senimdimiz", dedi ol.