Jambyl oblysy Jýaly aýdanynyń týmasy, mesenat aýdandyq ortalyq aýrýhanaǵa jalpy quny 100 mıllıon teńgeden astam medısınalyq tehnıka men jabdyqtar syıǵa tartty, dep habarlaıdy Egemen.kz QazAqparatqa silteme jasap.
Jýaly aýdandyq ortalyq aýrýhanasyna osy aýdanynyń týmasy, búginde sıngapýrlyq mesenat, "Kusto Group" kompanııasynyń basqarma múshesi Talǵat Týrýmbaev jalpy somasy 101 mıllıon teńgege baǵalanatyn koronavırýspen kúreske arnalǵan medısınalyq zattardy syıǵa tartty.
Jomart jannyń tartý etken zattarynyń ishinde 1,5 mln teńgege juqpaly aýrýlar bólimine ottegi júıesi men 30 ottegi ballony, 39 mln teńgege jańa reanımobıl, 3000 dana jeke qorǵanysh kıimderi, 5000 dana №95 respıratorlar, 10 dana ottegi konsentratorlary bar.
Sonymen qatar, mesenattyń kómegimen qosymsha jyljymaly rentgen apparaty men ókpeni jasandy jedeldetý qurylǵysy ákelinedi dep kútilýde.