Túrkistan oblysynyń turǵynynan eki polıetılendi paketke oralǵan jasyl tústi hosh ıisi bar esirtkige uqsas zat anyqtaldy, dep habarlaıdy Egemen.kz.
Shymkent qalasynyń Polısııa departamenti Esirtki qylmysyna qarsy is-qımyl basqarmasy jáne Jyldam qımyldaıtyn arnaıy jasaq qyzmetkerlerimen respýblıkalyq deńgeıde ótkizilip jatqan “Qarasora-2020” jedel-profılaktıkalyq is-sharasy aıasynda júrgizilip jatqan jumystar barysynda “Folksvagen Passat” markaly avtokóligi toqtatylyp, avtokólik jolaýshysy Túrkistan oblysynyń turǵynynan eki polıetılendi paketke oralǵan jasyl tústi hosh ıisi bar esirtkige uqsas zat anyqtalyp, tárkilenip alyndy.
Sarapshynyń qorytyndysyna sáıkes, tárkilengen zat jalpy salmaǵy 4 kg 755 gr quraıtyn “marıhýana” esirtki zaty ekendigi anyqtaldy. Atalǵan azamattyń turǵylyqty mekenjaıy boıynsha tintý júrgizý barysynda quramynda esirtki zattary bar ósirýge tyıym salynǵan 31 túp ósimdikter, temir ydystaǵy jasyl tústi hosh ıisi bar esirtkige uqsas zat jáne tirkelmegen ańshylyq qarý anyqtaldy.
Qazirgi tańda azamatqa qatysty Qazaqstan Respýblıkasy QK-niń 296-babynyń 4-bóligi, 287-babynyń 2-bóligi, 296-babynyń 2-bóligi jáne 300-babynyń 2-bóligimen qylmystyq ister tirkelip, sotqa deıingi tergep-tekserý jumystary bastaldy. Oǵan qatysty “kúzetpen ustaý” túrindegi bultartpaý sharasy qoldanyldy.