Túrkistan oblysynyń ákimi О́mirzaq Shókeev Maqtaaral aýdanyna baryp, jańadan salynyp jatqan baspanalardyń qurylysymen tanysty, dep habarlaıdy Egemen.kz. Bul týraly oblys ákimdiginiń baspasóz qyzmeti málimdedi.
Sapar barysynda aımaq basshysy baspanalardyń sapasyn baqylady. Halyqpen kezdesip, kókeıdegi máselelerin tyńdady. Sondaı-aq, О́mirzaq Shókeev Jańajol aýyldyq okrýgine qarasty О́rgebas jáne Fırdaýsı aýyldaryn qalpyna keltirý jumystaryn tekserdi.
Kólemi 1256 gektardy quraıtyn О́rgebas eldi mekeninde 209 úı ornalasqan. Jalpy búgingi tańda 194 úı syrylyp, 194 úıdiń irgetasy quıylyp, 185 úıdiń qabyrǵalary qalanýda. 140 úıdiń shatyry jabylǵan.
Al Jańa jol aýyldyq okrýgine qarasty Fırdaýsı eldi mekeninde 305 úıdiń aýmaǵy tazartylyp, 305 úı irgetasy quıylǵan. 298 úıdiń qabyrǵalary qalanyp, 255 úıdiń shatyry jabylýda. О́mirzaq Estaıuly budan soń Myrzakent kentindegi birdeı úlgide salynyp jatqan 386 úıdiń qurylys jumystarymen tanysty.
Búgingi tańda munda 241 úı tapsyrylýǵa taıaý. Sondaı-aq, jańadan qurylǵan móltekaýdanda mektep, balabaqsha, medısınalyq ambýlatorııa jáne polısııa pýnkti salynýda.
Budan basqa óńir basshysy Jańajol aýyl okrýgine qarasty О́rgebas jáne Fırdoýsı eldi mekenderindegi 2 mekteptiń qurylysyn kórdi. Ǵımarattar tolyq kúrdeli jóndeýden ótip, jylytý qazandyǵyn tabıǵı gazǵa qosý jumystary júrgizilýde.
Qazirgi tańda 400-ge jýyq úıdiń qurylys jumystary tolyǵymen aıaqtalyp otyr. Qalǵan baspanalardyń qabyrǵalary qalanyp, shatyry jabylýda. Jospar boıynsha barlyq úıler qazan aıynyń sońyna deıin tolyǵymen aıaqtalady dep josparlanyp otyr.