Búginde kórsetiletin memlekettik qyzmetterdiń 80 prosentin qashyqtan alýǵa bolady. HQKO atalǵan qyzmetterdi qalaı alýǵa bolatyny jóninde keńes berdi, dep habarlaıdy Egemen.kz.
Egov.kz portalynyń vırtýaldy assıstentin paıdalanyńyz. Beıneqońyraý operatorlary azamattardy qashyqtan Mobıldi azamattar bazasyna (AMB) tirkep bere alady. Sondaı-aq, olar sizdiń ekrandaǵy áreketti kóre otyryp, portalda jumys isteý boıynsha óz keńesterin bere alady.
1414 nómirin terińiz. Biryńǵaı baılanys ortalyǵynyń operatorlary memlekettik qyzmetterdiń kórsetilýi jáne olardyń rásimdelý merzimi týraly, HQO jumys kestesi jaıly aqparatty bere alady. Bul opsııa elektrondyq úkimet portalyn paıdalana almaıtyn qart adamdar úshin óte qolaıly.
Tanymal áleýmettik jelilerdiń egov chat-bottary. Onda da operatorlarmen chat quryp, qajetti saýaldarǵa jaýap alýǵa bolady. Búginde telegram-bot jelisi arqyly 25, Facebook-te 15, "VKontakte" júıesinde 19 qyzmet túri qoljetimdi.
egov.kz portaly, youtube.com, ózge de izdeý júıeleri arqyly memlekettik qyzmetterdi qalaı alýǵa bolatyny týraly arnaıy nusqaýlyqtar men beınerolıkterdi tabýǵa bolady.