Osy kúnderi búkil ekonomıkalyq qoǵamdastyqtyń nazaryn Ulybrıtanııa ózine aýdarýda. Londonda Dúnıejúzilik ıslamdyq ekonomıkalyq forým óz jumysyn bastasa, oǵan 100-den astam memleket qatysýda, dep habarlady QR IJTM-niń aqparat basqarmasy.
Qazaqstan Prezıdenti Nursultan Nazarbaevtyń tapsyrmasy boıynsha, DIEF-te Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshev bizdiń elimizden ókildik etýde.
Osy kúnderi búkil ekonomıkalyq qoǵamdastyqtyń nazaryn Ulybrıtanııa ózine aýdarýda. Londonda Dúnıejúzilik ıslamdyq ekonomıkalyq forým óz jumysyn bastasa, oǵan 100-den astam memleket qatysýda, dep habarlady QR IJTM-niń aqparat basqarmasy.
Qazaqstan Prezıdenti Nursultan Nazarbaevtyń tapsyrmasy boıynsha, DIEF-te Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshev bizdiń elimizden ókildik etýde.
Vıse-premer Qazaqstanda ıslamdyq qarjylandyrýdy damytý jáne ınvestısııalyq ahýal týraly sóz sóıledi. Ol óz sózinde atap ótkendeı, Qazaqstanda dástúrli qarjy júıesiniń damýymen qatar, Memleket basshysy N.Nazarbaevtyń tapsyrmasy boıynsha, Ortalyq Azııa jáne TMD elderine baǵdarlanǵan óńirlik ıslamdyq qarjylandyrý ortalyǵyn qurý boıynsha jumys júrgizilýde.
Dálirek aıtqanda, Qazaqstan Respýblıkasynda 2020 jylǵa deıin ıslamdyq qarjylandyrýdy damytýdyń jol kartasy ázirlendi, basty áriptes – Islam Damý bankimen 2013-2015 jyldarǵa arnalǵan Eldik áriptestik strategııasyna qol qoıylǵan, sondaı-aq, ıslamdyq qarjylyq ınstıtýttardyń qyzmeti úshin quqyqtyq negizdi quraıtyn zańnamalyq baza jetildirilýde. Budan basqa, Qazaqstan Qarjylyq qyzmetter jónindegi ıslam keńesine kirýdi josparlaıdy jáne Islam qarjylandyrý naryqtary boıynsha halyqaralyq uıymǵa (IIFM) kirý máselesin qarap jatyr.
Áset Isekeshev forýmnan tys birneshe iskerlik kezdesýler ótkizdi. Sonyń ishinde, Malaızııa Premer-mınıstri Nadjıb Týn Abdýl Razakpen jáne Islam Damý bankiniń Prezıdenti doktor Mohammed Álımen kezdesti.
Sondaı-aq, sapardyń birinshi kúni Áset Isekeshev QR IJTM «KAZNEX INVEST» AQ Qazaqstan-Brıtanııa ınvestısııalyq jobalardy júzege asyrý máseleleri boıynsha uıymdastyrǵan dóńgelek ústel otyrysyna qatysty. Taraptar Ulybrıtanııa Premer-mınıstri Devıd Kemeron shilde aıynda Qazaqstanǵa kelgen kezde qol jetkizilgen jańa ýaǵdalastyqtardyń qazirgi jaı-kúıin talqylady.