Koronavırýstyń ekinshi tolqynyna daıyndyq barysynda maýsym aıynyń 15-i men shildeniń 15 aralyǵyndaǵy jaǵdaıǵa monıtorıng jasadyq. Osy aralyqta koronavırýspen aýyrǵandar eń kóp tirkelgen. Bul týraly Almaty qalasy №2 emhana bas dárigeriniń emdeý isi jónindegi orynbasary Nurııa Qalmuratova onlaın brıfıng barysynda aıtty, dep habarlaıdy Egemen.kz.
Onyń aıtýynsha, №2 qalalyq emhananyń bas ǵımaratynan bólek 3 fılıaly bar. Qala boıynsha 64 454 astam turǵynǵa qyzmet kórsetedi. Dýman yqsham aýdanynda 12 myńdaı adamdy qabyldaıtyn jáne Sulýsaı, Keńsaı yshqam aýdandarynda bólimshesi bar. Emhana sanıtarlyq normalarǵa saı jumys istep jatyr. "Koronavırýs ınfeksııasynyń sharyqtaý kezeńinde bizdiń emhanada 12 mobıldi top jumys atqardy. Qazir emhanadaǵy jaǵdaı turaqty, dárigerlerdiń baqylaýynda koronavıýrs juqtyrǵan úsh naýqas qana bar. Sondyqtan 5 mobıldi top jumys istep jatyr. Oǵan qosa koll-ortalyq iske qosylǵan", deıdi dáriger. Sonymen qatar, ol aldaǵy kúz, qys, kóktem aılarynda ınfeksııanyń jańa tolqyny bolýy múmkin degen boljam jasalǵanyn aıtty. Bul kezde ádettegideı sýyq tııý, bakterıaldy ınfeksııa, tumaý men pnevmonııa aýrýlary beleń alatyn kórinedi.
"Pandemııaǵa baılanysty osy aralyq qaýipti bolýy múmkin. Sondyqtan barlyq medısınalyq uıymdarda daıyndyq jumystary júrgizilip, tumaýdyń aldyna alý boıynsha ekpe salynýda. Ol birinshiden osal toptarǵa salynady, olar jıi aýyratyn 18 jasqa deıingi balalar, sozylmaly aýrýy bar tulǵalar, júkti áıelder, 60 jastan asqan eresekter, sonymen qatar balalar úıi, qarttar úıiniń turǵyndary bar", deıdi ol.Koronavırýstyń ekinshi tolqynyna daıyndyq barysynda maýsym aıynyń 15-i men shildeniń 15-i aralyǵyndaǵy jaǵdaıǵa monıtorıng jasalǵan. Osy aralyqta koronavırýspen aýyrǵandar eń kóp tirkelgen. "Mundaı monıtorıngtiń paıdasyna kelsek, ol qajet kezinde qansha kadr tartý kerektigin jáne negizgi dári-dármek qoryn jasaýǵa múmkindik beredi. Sondaı-aq koronavırýs aýrýy kezinde áreket etý algorıtmi ázirlendi. Oǵan qosa koronavırýs aýrýynyń aldyn alý jónindegi aqparattyq eskertpelerdi taratyp jatyrmyz", deıdi N.Qalmuratova.