Dzıýdodan Qazaqstan quramasynyń beldi músheleriniń biri Islam Bozbaev Temirtaýda aıaǵyna oq tıip, aýrýhanaǵa túsip qaldy. Bul týraly Qazaqstan Dzıýdo federasııasy baspasóz qyzmetiniń deregine súıengen Vesti.kz habarlady.
Muny sportshynyń jeke jattyqtyrýshysy Sergeı Dmıtrıenko jetkizgen. Onyń aıtýyna qaraǵanda, qaladaǵy toıhanalardyń birinde úılený toıynda otyrǵan dzıýdoshy atylǵan oqtan aıaǵyn jaraqattap alǵan.
Restoranda Islam Bozbaev ózara sózge kelisip, bir-birlerine oq atqan eki toptyń ortasynda otyryp qalǵan. Sondaı kezde oq tıip ketken.
Sportshy Azııa oıyndarynyń 2010 jylǵy kúmis júldegeri, Azııa chempıonatynyń fınalısi. 2012 jyly London Olımpıadasyna qatyssa, 2013 jyly Brazılııadaǵy álem chempıonatyna bardy. Al qyrkúıek aıynda Almatyda Gran-prı jeńip aldy.
Damır Qojamqul.