Qazirgi kezde qoǵamdy qos búıirden qysyp, tipti álemdi ábigerge salyp otyrǵan koronavırýs indetimen kúres memleket tarapynan júıeli júrgizilýde, dep habarlaıdy Egemen.kz.
Odan bólek, jekelegen kásipker azamattar da keńdik tanytyp, qaýipti keselmen kúreste belsendilik tanytýda.
Mundaı Atymtaı Jomart azamattar Áýlıeata óńirinde de az emes. Jambyl oblysy, Jýaly aýdanynda dúnıege kelgen belgili kásipker Talǵat Turymbaev aýdandyq ortalyq aýrýhanaǵa jalpy quny 100 mıllıon teńgeden asatyn qajetti qural-jabdyqtar satyp alyp berdi. Onyń ishinde 30 ottegi ballony, 3000 dana jeke qorǵanysh kıimderi, 5000 dana №95 respıratorlar jáne 10 dana ottegi konsentratorlary bar.
Sondaı-aq, aýdandaǵy ortalyq aýrýhananyń mamandandyrylǵan jyljymaly kólikter parki jańa zamanaýı kópfýnksıonaldy reanımobılmen de tolyqty. Atalǵan jyljymaly reanımobıldiń ózi 40 mıllıon teńge turady. Sonymen qatar, bolashaqta qosymsha mobıldi sıfrlyq dıagnostıkalyq jabdyqty ornatý josparda bar. Taǵy da mańyzdysy, atalǵan kompanııa aldaǵy ýaqytta óńirdegi az qamtylǵan otbasylarǵa arnap eki turǵyn úıdi paıdalanýǵa beretin boldy. Kásipkermen Jýaly aýdanynyń ákimi Narbaı Ergebekov kezdesip, týǵan jerine qoldaý kórsetip otyrǵan azamatqa aýdan turǵyndarynyń atynan alǵys aıtty. Jýalylyqtardy quttyqtap, óziniń ıgi tilegin jetkizdi. Saltanatty jıynǵa aýdan turǵyndarymen qatar, medısına qyzmetkerleri de qatysty. О́z sózinde kásipker Talǵat Turymbaev osyndaı qaýipti kezeńde basyn qaterge tigip, adam ómirin arashalap qalý úshin eńbek etip júrgen medısına qyzmetkerlerine rızashylyǵyn bildirdi.
Jalpy, Talǵat Turymbaev halyqaralyq "Kusto Group" kompanııasynyń negizin qalaýshylardyń biri retinde tanymal. 2002 jyly qurylǵan atalǵan kompanııa Qazaqstan, Izraıl, Kanada, Grýzııa, Reseı, Sıngapýr, Túrkııa, Vetnam, Ýkraına jáne Qytaı memleketterinde jumys isteıdi. Top quramynda 30 kompanııa bar bolsa, onda 8000-nan astam adam jumys isteıdi. Kompanııanyń basty baǵyttarynyń biri qaıyrymdylyq jasaý bolǵandyqtan, kompanııa áýeli halyqtyń osal toptaryna kómek kórsetip keledi. Talǵat Turymbaev ta osy ýaqytqa deıin ózi dúnıege kelgen Jýaly topyraǵyndaǵy birqatar kópbalaly otbasylar men mektepterge kómek kórsetken bolatyn.
Jambyl oblysy