Prezıdenttik jastar kadr rezerviniń múshesi Ernur Rysmaǵambetov AHQO ákimshiligin basqaratyn boldy, dep habarlaıdy Egemen.kz.
Ernur Búrkitbaıuly Rysmaǵambetov 1986 jyly 28 sáýirde Jezqazǵan qalasynda dúnıege kelgen. Kalıfornııa tehnologııa ýnıversıteti men London ýnıversıtettik kolledjiniń túlegi, qarjy analıtıgi mamany (CFA Charterholder).
2017-2019 aralyǵynda AHQO Úzdiksiz kásiptik damý bıýrosy (AIFC BCPD) dırektory bolyp jumys istedi.
2019 jyldan bastap "AHQO Ákimshiligi" AQ basqarma tóraǵasynyń orynbasary. Buryndary JP Morgan Chase ınvestısııalyq banki men Wilshire Associates, Inc ınvestısııalyq kompanııasynyń analıtıkalyq bólimderinde eńbek etti.
2017 jyly "100 jańa esim" jobasynyń birinshi tolqynyna endi. 2020 jyly Prezıdenttik jastar kadr rezervinde ekinshi oryn alǵan.