Úkimettiń keńeıtilgen otyrysyndaǵy sóılegen sózinde Memleket basshysy Nursultan Nazarbaev birqatar máseleler jóninde Úkimettiń jáne ózge de memlekettik organdardyń qyzmetine qatysty eleýli syn-eskertpeler aıtqan bolatyn. Elbasy sózinde aıtylǵan máseleler iske qozǵaý salǵany, jumysqa jan bitirgeni seziledi. Elbasy qozǵaǵan syn-eskertpelerge baılanysty tıisti sharalar qabyldanyp, júzege asyryla bastaǵan. Áli de eskeretin máseleler az emes. Tómendegi pikirler sonyń dáleli bola alady.
Syn tezine salyndy: qorytyndy qandaı?
*Úkimetke – synaq, ákimge – sabaq
Úkimettiń keńeıtilgen otyrysyndaǵy sóılegen sózinde Memleket basshysy Nursultan Nazarbaev birqatar máseleler jóninde Úkimettiń jáne ózge de memlekettik organdardyń qyzmetine qatysty eleýli syn-eskertpeler aıtqan bolatyn. Elbasy sózinde aıtylǵan máseleler iske qozǵaý salǵany, jumysqa jan bitirgeni seziledi. Elbasy qozǵaǵan syn-eskertpelerge baılanysty tıisti sharalar qabyldanyp, júzege asyryla bastaǵan. Áli de eskeretin máseleler az emes. Tómendegi pikirler sonyń dáleli bola alady.
Jelge ushqan jıyrma eki mıllıon!
Elbasy Úkimettiń keńeıtilgen otyrysyndaǵy sózinde memlekettik satyp alý máselesine arnaıy toqtalǵan bolatyn. Bıýdjettik baǵdarlamalardyń durys oryndalmaýynyń jáne olardyń tıimsizdiginiń negizgi sebebi memlekettik satyp alý júıesi bolyp sanalatyndyǵyn aıtqan edi. Kóbinese memlekettik organdar tenderlerde «bógde» jetkizýshilerdiń qatysýyna múmkindik bermeıtin sharttar belgileıdi. Buǵan qosa memlekettik organdardyń basshylary ózderin ózderi jaýapkershilikten bosatyp, satyp alýǵa qatysty sheshim qabyldaýdan syrt qalatyndyǵyn synǵa alǵan edi. Elbasynyń osy synynyń ádildigin tómendegi oqyrman haty aıqyndaı túsedi.
Bıylǵy jyly qyrkúıek aıynda «Jumyspen qamtý-2020» keshendi sharanyń besinshi baǵyty negizinde, Aqmola oblysy, Selınograd aýdany, Talapker aýyldyq okrýgindegi mıkroavtobýs júretin ortalyq kóshelerdi jáne keıbir halyq tyǵyz ornalasqan kóshelerge jol salyp, jóndeý jumystaryn júrgizýge, qazynadan jıyrma eki mıllıon qarajat bólingen bolatyn.
Osy qarajatqa Saryarqa, Qurmanǵazy, Bógenbaı batyr, M.Áýezov, Yrǵyz, M.Mámetova jáne № 41, № 44 kóshelerine tas-qum (dresva) tóselýi úshin, arnaıy shemalyq-kartasy Selınograd aýdandyq qala qurylysy jáne sáýlet basqarmasynda mór basylyp bekitilgen. Barlyq atqarylýǵa tıis kóshe joldarynyń uzyndyǵy 6 shaqyrymdy quraıdy, biraq kúni búginge deıin, naqtyraq aıtsaq, qyrkúıek pen qazan aıynda atqarylǵan jumys kólemi úsh-aq shaqyrym. Netken masqara!!! Alda áli úsh shaqyrymdaı jumys istelýi kerek. Egerde dál osylaı jumys isteletin bolsa, áli eki aı ýaqyt kerek.
Jumystyń júrmeıtin negizgi sebebi, aqshanyń joqtyǵy. Bir kún jumys istelse, birneshe kún jumys joq, óıtkeni, tas-qum (dresva) tasıtyn «Kamaz-darǵa» tıep ákelý úshin ár reıske qolma-qol aqsha berilýi kerek. Al olarǵa beriletin aqsha joq, ıaǵnı aýdarylmaǵan, – deıdi tenderdi jeńip alǵan TOO-nyń bastyǵy Aınash apaı.
Al Aınash apaıdyń ústinen qarap, barlyq jumysty uıymdastyratyn Ilgar bastyq (kavkazdyq) menen burynǵy bastyq toǵyz mıllıon teńgeni qaltasyna salyp qashyp ketipti, al men qalǵan aqshany jetkize almaı jatyrmyn degen syńaı tanytyp júr. Sonda bizdiń Talapker halqynyń az da bolsa kóshe joldary jóndelip, batpaqqa belsheden batpaı tas-qum ústinde júrsin dep, memlekettiń arnaıy bólgen azǵantaı qarjysy halyqtyń óz ıgiligine jumsalmaı, kóringen kók attylynyń qanjyǵasynda kete bere me? Joq, olaı bola qoımas?!.
Bálkim, kim bilgen? Osy bólingen jıyrma eki mıllıon qarjy jelge ushpasyna nemese qarashanyń alǵashqy jaýǵan aqsha qary astynda qalyp qoımasyna kim kepil?
Myrzabaı BORANQULULY,
jýrnalıst.
Aqmola oblysy,
Selınograd aýdany,
Talapker aýyly.