Almaty qalasynyń Bas memlekettik sanıtar dárigeri Jandarbek Bekshın erteń, ıaǵnı 15 qyrkúıekte tumaýǵa qarsy jappaı egý bastalatynyn málimdedi, dep habarlaıdy Egemen.kz
"Erteń tumaýǵa qarsy jappaı egý bastalady. Qalalyq qoǵamdyq densaýlyq saqtaý basqarmasy daıyndyq jumystaryn júrgizdi. Mysaly, byltyr áleýmettik osal toptar úshin tumaýǵa qarsy ekpeniń 100 myń dozasy alyndy. Al bıyl ekpeniń 130 myń dozasyn satyp aldyq. Sondaı-aq biz koronavırýs ınfeksııasyna baılanysty taǵy qosymsha tumaýǵa qarsy ekpeniń 300 myń dozasyn satyp almaqshymyz. Ol qarasha aıynda keledi", dep atap ótti Jandarbek Bekshın.