Endi jospardaǵy 99 kóshede, jalpy 213 shaqyrymdyq jóndeý jumystary jyl sońyna deıin atqarylady. Jalpy, qyrkúıek jáne qazan aılarynda birshama jol qurylys jumystaryn aıaqtaý josparlanǵan.
Qala ákiminiń orynbasary Maqsut Isahovtyń aıtýynsha, shaharda jol ótkelderin retke keltirý, aıaldama men baǵdarsham ornatý jumystary da qolǵa alynǵan.
"Qalada jol qurylysy qarqyndy júrip jatyr. Aldyńǵy keıpimen salystyrǵanda qazir áldeqaıda qala kóriktenip, joldar jaqsaryp qaldy. Degenmen sapasyna, aldaǵy ýaqyttaǵy tózimdiligine nazar aýdarý kerek. Turǵyndardyń usynys-pikirin, olar úshin qolaılylyǵyn da eskerýimiz kerek. Áleýmettik jelide kún saıyn jol máselesine qatysty shaǵymdardy qarap otyramyn. Ondaı kedergiler týyndamaýy kerek. Barynsha qaýipsiz ári sapaly jumys istelýi qajet. Sonymen qatar, shet aımaqtardaǵy tas joldarǵa qatysty máseleni de erterek sheshý amaldaryn qarastyrýdamyz. Bizdiń kósheler megapolıske saı bolýy kerek", dedi qala ákiminiń orynbasary.
Shaharda aıaldamalardy jańartý jumystary da qarqyn alǵan. Búginde 133 basty joldarda 260 jańa aıaldama ornatyldy.
Sondaı-aq, qalada qyrkúıek aıynan bastap Shymkent bike velosıpedteri qaıta iske qosyldy. Qazirgi tańda 40 velostansııa jumys istep tur.