Indýstrııa 4.0 taqyryby boıynsha oqytylady

Is-sharanyń negizgi maqsaty – Indýstrııa 4.0 elementterin paıdalanatyn kásiporyndardyń úlesin arttyrýǵa járdemdesý jáne olardyń quzyretin arttyrý.

Indýstrııalyq damý jáne óner­kásiptik qaýipsizdik komı­te­tiniń tóraǵasy Marat Qar­a­baevtyń aıtýynsha, atalǵan shara Germanııanyń Fraunhofer IPA О́nerkásiptik ınjenerııa jáne avtomattandyrý ınstıtýty­men yntymaqtastyqtyń jalǵasy bolyp tabylady.

«Nemis ınstıtýtynyń úlken tájirıbesi kásiporyn­dary­myz­dyń óndiristik áleýetin jańa qyrynan kórýge múmkindik bere­di jáne Qazaqstannyń teh­nologııalyq damýyna serpin berýi tıis», dedi M.Qarabaev.

«QazIndustry» qazaqstandyq ındýstrııa jáne eksport orta­lyǵy» AQ ónerkásiptik kásip­oryndardy sıfrlandyrý boıyn­sha júıeli jumysty 2017 jyl­dan beri júrgizýde. Buǵan deıin Fraunhofer IPA kómegimen jumys istep turǵan qanatqaqty kásip­oryndar bazasynda sıfrlyq fabrıkalar qurylǵan bolatyn. Bul – jalpy quny 13 mlrd teńgeden astam ınvestısııany, onyń ishinde 0,6 mlrd teńge memlekettik qoldaý qarajatyn quraıtyn 51 jobany júzege asyrýshy 7 qazaqstandyq kásiporyn. Iske asyrylǵan jobalardyń qory­tyndysy boıynsha kásip­oryndar eńbek ónimdiligin 25%-ǵa, resýrs tıimdiligin 18%-ǵa, jabdyqtyń qyzmet etý mer­zimin 5%-ǵa uzartyp, óndiristik shy­ǵy­n­dardy 20%-ǵa, eńbek shy­ǵyndaryn 30%-ǵa jáne energııa shyǵyndaryn 35%-ǵa tómendetti.

«Indýstrııa 4.0 taqyrybyn­da oqytý – bul otandyq kásip­­oryn­dar óndirisin sıfrly jań­­ǵyr­tý úshin jasalǵan taǵy bir qadam. Oqýǵa qatysý úshin 22 qyr­kúıekke deıin tirkelýge bolady. Biz elimizdiń barlyq ónerkásip­tik kásiporyndaryn osy aýqym­dy jobaǵa belsendi qatysý­ǵa sha­qy­ramyz», dep atap ótti «QazIndustry» qazaqstandyq ındýstrııa jáne eksport ortalyǵy» AQ basqarma tóraǵasynyń orynbasary Talǵat Muqanov.

Vebınarlar ZOOM onlaın platformasynda tórt modýl boıynsha ótkiziledi: kirispe jáne bıznes ınnovasııalary, san­dyq óndiristi baqylaý, kıber-fı­zı­kalyq júıeler, derekter negi­zin­de óndiristi ońtaılandyrý jáne aqyldy qyzmet kórsetý.