Sondaı-aq Shyńǵys Jumabekuly "112" qutqarý qyzmetiniń jumysymen de tanysty. Oqý jattyǵý jumystary naqty ýaqyt rejıminde ótedi. Oqý-jattyǵýdyń maqsaty - qalanyń barlyq medısınalyq uıymdaryn koronavırýstyq ınfeksııamen kúreske barynsha daıyndyǵyn pysyqtaý.
Is-sharaǵa ınfeksııalyq jáne provızorlyq stasıonarlarmen qatar menshik nysanyna qaramastan barlyq BSMK (bastapqy medısınalyq sanıtarlyq kómek) uıymdary qatysady. Oqý-jattyǵý jumystary 36 BMSK uıymy, 9 dıagnostıkalyq ortalyq, 7 PTR zerthanasy jumyldyryldy.
Oqý-jattyǵý barysynda naýqastyń shaqyrtýynyń "103" pýltine túsken sátinen bastap, tıisti belgileri bolǵan jaǵdaıda stasıornarǵa jatqyzýǵa deıingi baǵytynyń bastan aıaq algorıtimine basa nazar aýdaryldy.
Oqý-jattyǵý kezinde jedel medısınalyq kómek shaqyrtýynyń 4 sanaty boıynsha medısınalyq personaldyń is-qımyl algorıtmderi pysyqtalady.
Sondaı-aq medısınalyq personalǵa shartty naýqastardyń jaı-kúıiniń aýyrlyǵyn anyqtaý, koronavırýstyq ınfeksııa kezinde saqtaný sharalary boıynsha baǵalaý júrgizilip, medısınalyq personaldy qorǵaýdyń barlyq sharalaryn saqtaı otyryp, provızorlyq stasıonarǵa tasymaldaný joldary pysyqtalady.
Sonymen qatar oqý-jattyǵý barysynda emhanalardyń mobıldi brıgadalarynyń is-áreketteri jáne qajet bolǵan jaǵdaıda pasıentti kompıýterlik tomografııany tekserýge jiberý, PTR taldaýdy alý boıynsha daıyndyq jumystary júrgiziledi. Mundaı oqý-jattyǵýlar turaqty túrde ótkizilmek.