Búgin, 15 qyrkúıek kúni saǵat 16:00-de Mədenıet jəne sport mınıstri Aqtoty Raıymqulova Fransııanyń Bretan ólkesi, Renn qalasyndaǵy Qazaqstan Respýblıkasynyń Qurmetti Konsýly Janar Tórebaevany qabyldady, dep habarlaıdy Egemen.kz
Sonymen qatar Janar Əskerbekqyzy Fransııa jəne Qazaqstan medısına ǵylymynyń doktory, "Almaty-Renn" qalalar baýyrlastyǵynyń prezıdenti, Fransııa joǵary dərigerler Keńesiniń keńesshisi, Rennmetropol parlamentindegi San-Jıl ákimdiginiń depýtaty.
Jıynda mınıstr Janar Tórebaevany Qazaqstan men Fransııa arasyndaǵy dostyq qarym-qatynasty nyǵaıtyp, qazaq mədenıetin damytýǵa qosqan úlesi úshin "Mádenıet salasynyń úzdigi" tósbelgisimen marapattady.
Aıta keteıik, Janar Tórebaeva 2018 jyly Qazaqstan Respýblıkasynyń Renn qalasyndaǵy Qurmetti Konsýly qyzmetine saılanǵan. Sol kezden bastap Bretan halyqaralyq kommersııa palatasy jáne Fransııa Syrtqy isteriniń Bretan ólkesindegi ekonomıkalyq dıplomatymen birge Qazaqstanǵa ınvestısııa tartý boıynsha qyrýar sharýa atqaryp keledi. Qazaqstannyń Parıjdegi Elshiligimen birlesip, 2018-2019 jyldan beri eki el arasynda aýyl sharýashylyǵy, ekonomıka salasynda ekijaqty kezdesýler uıymdastyryp júr.
Sonymen qatar Janar Tórebaeva 2014 jyly Renn qalasyndaǵy joǵary kommersııa ýnıversıteti men Almaty Menedjment ýnıversıteti arasynda konvensııa jasaýǵa atsalysyp, osy joǵary oqý ornynda oqyp júrgen qazaq stýdentterge qamqorlyq kórsetip keledi.
О́tken jyldan bastap Abaı Qunanbaıulynyń 175 jyldyq mereıtoıyn Renn qalasynda atap ótýge qyzý daıyndyq jumystaryn júrgizgen. Bretan folklorlyq mýzyka ınstrýmentter ansamblimen nasıhattaý jumysyn júrgizip, Renn-Almaty baýyrlastyǵy aıasynda "AlRenn" kvartetin qurǵan. Ujym hakim Abaı óleńderin fransýz tiline aýdaryp, Renn qalasynda bolatyn mereıtoıǵa daıyndady. Endi "AlRenn" kvarteti Abaı óleńderin Bretan jáne de basqa ólkelerde jyl saıyn bolatyn folklor festıvalinde oryndaıtyn bolady.
Al 2016 jyly Janar Tórebaeva jergilikti bılikpen úsh jyldaı kelissózder júrgizip, Renn qalasyndaǵy "Almaty" saıabaǵynan Abaı eskertkishin ashqyzdy.
2019 jyly Qazaqstan Elshiligi bastaǵan Abaı shyǵarmalaryn oryndaý bastamasyna qatysyp, Fransııada jalǵasýyna úles qosty.