Oblystyq Tótenshe jaǵdaılar departamentiniń aqparatyna qaraǵanda, "KamAZ" kóligi keshe, 14 qyrkúıekte saǵat 12:00 shamasynda órtendi, dep habarlaıdy Egemen.kz.
"Atyraý qalasynyń "Bereke" yqshamaýdanyndaǵy "Shyǵys" bazarynyń mańynda "KamAZ" kóligi 10 myń volttyq elektr jelisine soǵylǵan. Júrgizýshi júkti túsirý úshin kóliktiń temir qorabyn kótergen. Sol kezde qorap baǵandar arasyna tartylǵan elektr jelisine tıgen. Sonyń saldarynan kóliktiń artqy dóńgelegi men qýat berý júıesi órtendi", -dep habarlady departamenttiń baspasóz qyzmeti.
О́rtti sóndirýge arnaıy qyzmettiń 4 qyzmetkeri men 1 arnaýly tehnıkasy jumyldyrylyp, 30 mınýttan soń jalyn aýyzdyqtaldy.