Astanadaǵy Qazaq gýmanıtarlyq zań ýnıversıtetinde «Máńgilik el» pikir-saıys týrnıri bolyp ótti. Eki kúnge sozylǵan sóz saıysyna elimizdiń 14 aımaǵynan 44 komanda, ıaǵnı 100-den asa stýdentter men oqýshylar qatysty.
L.N. Gýmılev atyndaǵy Eýrazııa ulttyq ýnıversıtetindegi «Parasat» jáne Qazaq gýmanıtarlyq zań ýnıversıtetiniń «Orda» pikir-saıys klýbtary «Qazaqstan jas depýtattarynyń assosıasııasymen» birigip uıymdastyrǵan is-sharaǵa Bilim jáne ǵylym mınıstrligi qoldaý kórsetti.
Astanadaǵy Qazaq gýmanıtarlyq zań ýnıversıtetinde «Máńgilik el» pikir-saıys týrnıri bolyp ótti. Eki kúnge sozylǵan sóz saıysyna elimizdiń 14 aımaǵynan 44 komanda, ıaǵnı 100-den asa stýdentter men oqýshylar qatysty.
L.N. Gýmılev atyndaǵy Eýrazııa ulttyq ýnıversıtetindegi «Parasat» jáne Qazaq gýmanıtarlyq zań ýnıversıtetiniń «Orda» pikir-saıys klýbtary «Qazaqstan jas depýtattarynyń assosıasııasymen» birigip uıymdastyrǵan is-sharaǵa Bilim jáne ǵylym mınıstrligi qoldaý kórsetti.
BPF (Brıtan Parlamenttik formaty) jáne úzdik oıynshyny anyqtaıtyn LD (Lınkoln-Dýglos) formatynda ótkizilgen pikirsaıys barysynda jastar «Máńgilik el» bolýdyń joldaryn qarastyratyn memlekettik tildi ıgerý, joǵary oqý oryndary bitirýshilerin jumysqa ornalastyrý sııaqty aktýaldy qararlar usynylyp, tereń talqylandy. «Máńgilik el» taqyrybyna ár jastyń óz pikiri bar. Osy pikirlerin ortaǵa salyp, ustanymdaryn aıtýda. Sońynda salmaqty usynys-pikirler iriktelip, biz ony jastar saıasatyn qalyptastyrý jumysymyzda qoldanatyn bolamyz», – dedi Bilim jáne ǵylym mınıstrligi Jastar isi komıtetiniń tóraǵasy Ǵabıdolla Ospanqulov.
Tóreshilerge óte tartysty ótken saıystyń úzdikterin anyqtaý ońaıǵa túsken joq. Desek te, joǵary dárejede oıyn órnegin kórsetken astanalyq «Orator men Dıktator» komandasy, Bekarystan Amanjolov pen Nurtileý Amangeldi jeńimpaz dep tanylyp, I oryn kýbogy pen noýtbýkke ıe boldy. II oryn Taraz qalasynan kelgen «Komanda A» fraksııasy – Meırambek Erbatyrov pen Aıgúl Áskerbekovaǵa buıyrdy. Qaraǵandy qalasynyń ókilderi «Eski gvardııa» fraksııasy – Danııar Bıbasar men Abaı Otarbaev júldeli III oryndy enshiledi.
Eki kúndik tartysty doda aıaqtalǵannan keıin barsha qatysýshylar Astananyń kórikti jerlerine saıahat jasap, kóńil kóterdi. Uıymdastyrý deńgeıiniń joǵarylyǵy, júlde qorynyń qomaqtylyǵy «Máńgilik el» týrnıriniń úlken dárejede ótýine septigin tıgizdi.
Abaı TLENShIEV,
EUÝ jýrnalıstıka jáne saıasattaný
fakýltetiniń I kýrs stýdenti.