Sońǵy kúnderi áleýmettik jeliler men messendjerlerde ótken salyq kezeńderi úshin qaryzdar 1 qazanǵa deıin ótelmegen jaǵdaıda ósimpuldardan basqa 8 AEK (shamamen 20 myń teńge) mólsherinde aıyppul esepteletini týraly aqparat taratylýda.
Qarjy mınıstrliginiń Memlekettik kirister komıteti bul habarlamanyń shyndyqqa sáıkes kelmeıtinin resmı túrde málimdedi.
Qoldanystaǵy Salyq kodeksinde salyq mindettemesin oryndaý merzimi ótken árbir kún úshin bereshek somasyna ósimpul esepteý qarastyrylǵan, bul rette, zańnamamen aıyppul sanksııalary qarastyrylmaǵan.
Jer jáne múlik salyǵy boıynsha aldaǵy tólemder týraly, sondaı-aq salyq beresheginiń bolýy nemese bolmaýy týraly aqparatty «E-Salyk» mobıldi qosymshasynyń «Salyq ámııany» servısinen bilýge bolady. Munda eseptelgen somalardy ekinshi deńgeıli bankterdiń, «Qazposhta» AQ tólem kartalarynyń kómegimen toltyrylǵan derektemeler boıynsha tóleýge bolady.
Budan basqa, salyq ámııany qyzmetinde menshik quqyǵynda tirkelgen salyq salý obektilerin qaraý múmkindigi bar. Kólik quraldary men jyljymaıtyn múlik obektileri boıynsha qate málimetter bolǵan jaǵdaıda onlaın rejimde túzetýge, onyń ishinde, kólik quralynyń sıpattamalaryn, ıelený quqyǵyn jáne t.b. ózgertýge ótinish berýge múmkindik beretin túzetý servısin paıdalanýǵa bolady.
Sondaı-aq aǵymdaǵy jyldyń sońyna deıin jeke tulǵalar úshin salyqtyq raqymshylyq qoldanylady, qaǵıdalarǵa sáıkes jeke tulǵa múlik salyǵy, jer salyǵy jáne kólik quraldary salyǵy boıynsha boryshtyń negizgi somasyn tólegen jaǵdaıda ósimpul avtomatty túrde esepten shyǵarylady. Bul rette salyqtyq raqymshylyq 2019 jylǵy múlik salyǵy jáne jer salyǵy boıynsha mindettemelerge qoldanylmaıdy.