Aqtóbe oblysy boıynsha qylmystyq-atqarý júıesi departamentiniń tergeý ızolıatorynyń qyzmetkerleri sottalǵandarmen kezdesýge kelgen azamatty tintip, onyń sálemdemesin qaraý kezinde baýyrsaqtan folgaǵa oralǵan Nokia telefon tárkiledi, dep habarlaıdy Egemen.kz
Kezdesýge kelgen 24 jastaǵy Aqtóbe oblysynyń turǵyny esirtki taratqany úshin qamaýǵa alynǵan aǵasyna tyıym salynǵan zatty berýge tyrysqan.
"Kelýshi óz túsindirmesinde kinásin tolyq moıyndady. Quqyq buzýshyǵa ÁQBtK-niń 481-baby "qylmystyq-atqarý júıesi mekemelerinde, arnaıy mekemelerde ustalatyn adamdarǵa tyıym salynǵan zattardy, buıymdardy berý" boıynsha hattama toltyrylyp, materıaldar qalalyq mamandandyrylǵan ákimshilik sotqa joldandy. Sonymen qatar, ol bir jyl ishinde mekemege kelý múmkindiginen aıyrylady", -dep habarlady Aqtóbe oblysy boıynsha QAJ departamentiniń baspasóz qyzmeti.