Jas shahmatshy Denıs Mahnev múmkin bolǵan 5 upaıdan 3,5 upaı jınady, dep habarlaıdy Egemen.kz Pavlodarnews.kz saıtyna silteme jasap.
Oblystyq týrızmdi jáne sportty damytý basqarmasynyń málimdeýinshe, 23 tamyzda shahmattan dúnıejúzilik onlaın olımpıada aıaqtalǵan. Toptyq týrnır chess.com oıyn platformasynda ótti. Týrnırde 163 ulttyq qurama men 1500-den astam álemniń úzdik shahmatshylary baq synady. "Qazaqstan quramasynyń sapynda pavlodarlyq jas shahmatshy Denıs Mahnev synǵa tústi. Denıs 6 kezdesý ótkizip, 3 jeńis, 1 teń oıynǵa qol jetkizdi. 2 oıynda ese jiberdi. Ázerbaıjan, Ispanııa, Nıderland elderiniń sportshylaryn utsa, Slovakııa oıynshysymen teń tústi. Al, Denısten basym túskender halyqaralyq grossmeısterler vengrııalyq Adam Kozak pen ýkraınalyq Kırıll Shevchenko", dedi Pavlodar oblysynyń shahmattan aǵa jattyqtyrýshysy Arman Gabdýshev.
Týrnır qorytyndysy boıynsha Qazaqstan quramasy V tobynda 4-orynǵa taban tirep, fınalǵa óte almady. Denıs Mahnev 6 upaıdan 3,5 upaı jınap, qurama sapyndaǵy joǵary kórsetkishterdiń birine qol jetkizdi.