Atyraý jáne Mańǵystaý oblystary ákimdikteriniń hattary negizinde jáne Indýstrııa jáne ınfraqurylymdyq damý mınıstrliginiń kelisimi boıynsha 25 qyrkúıekten bastap Atyraý jáne Mańǵystaý oblystaryna jolaýshylar poıyzdary qatynaı bastaıdy, dep habarlaıdy Egemen.kz.
1) №37/38 "Mańǵystaý – Nur-Sultan Nurly jol" poıyzy Mańǵystaýdan 2020 jyldyń 26 qyrkúıeginen bastap, Nur-Sultannan 2020 jyldyń 28 qyrkúıeginen bastap jóneltiledi;
2) №41/42 "Atyraý – Almaty-1" poıyzy Atyraýdan 2020 jyldyń 26 qyrkúıeginen bastap, Almatydan 2020 jyldyń 28 qyrkúıeginen bastap jóneltiledi;
3) №47/48 "Atyraý – Nur-Sultan Nurly jol" poıyzy Atyraýdan 2020 jyldyń 25 qyrkúıeginen bastap, Nur-Sultannan 2020 jyldyń 27 qyrkúıeginen bastap jóneltiledi;
4) №77/78 "Almaty-2 – Mańǵystaý" poıyzy 2020 jyldyń 25 qyrkúıeginen bastap Almatydan jáne Mańǵystaýdan jóneltiledi;
5) №309/310 "Mańǵystaý – Aqtóbe" poıyzy Mańǵystaýdan 2020 jyldyń 25 qyrkúıeginen bastap, Aqtóbeden 2020 jyldyń 26 qyrkúıeginen bastap jóneltiledi;
6) №313/314 "Atyraý – Mańǵystaý" poıyzy Atyraýdan 2020 jyldyń 25 qyrkúıeginen bastap, Mańǵystaýdan 2020 jyldyń 26 qyrkúıeginen bastap jóneltiledi;
7) №691/692 "Aqtóbe – Atyraý" poıyzy 2020 jyldyń 25 qyrkúıeginen bastap Aqtóbeden, 2020 jyldyń 26 qyrkúıeginen bastap Atyraýdan jóneltiledi.Jolaýshylar poıyzdarynyń qozǵalys kestesi boıynsha barlyq aqparatty "105" nómiri arqyly alýǵa bolady.
Ulttyq tasymaldaýshy jolaýshylardan jol júrý qujattaryn onlaın, sonyń ishinde resmı BILET.RAILWAYS.KZ saıty arqyly resimdeýlerin, jolaýshylardan sanıtarlyq-karantındik talaptardy, áleýmettik qashyqtyqty (keminde 1 metr), vokzal aýmaǵynda jáne poıyz ishinde betperde rejımin qatań saqtaýlaryn suraıdy. Sondaı-aq, saparǵa shyǵar kúni bıletter bolmaǵan jaǵdaıda, «Kútý paraǵy» atty tegin qyzmetti paıdalanýǵa bolatynyn eske salamyz.