Keshe Ortalyq kommýnıkasııalar qyzmetiniń resmı ókili Altaı Ábıbýllaev ótkizgen dástúrli brıfıngte aǵymdaǵy aptaǵa josparlanǵan negizgi sharalar habarlandy.
Keshe Ortalyq kommýnıkasııalar qyzmetiniń resmı ókili Altaı Ábıbýllaev ótkizgen dástúrli brıfıngte aǵymdaǵy aptaǵa josparlanǵan negizgi sharalar habarlandy.
Atap aıtar bolsaq, aptanyń basty is-sharasy 10-11 qarashada Reseıdiń Ekaterınbýrg qalasynda ótetin Qazaqstan men Reseı arasyndaǵy aımaqaralyq forým bolǵaly otyr. Oǵan eki eldiń Prezıdentteri qatysady dep josparlanǵan. Osy aptanyń enshisindegi taǵy bir aıtýly shara – 5-11 qarasha aralyǵynda Qytaı Halyq Respýblıkasynda ótetin Qazaqstannyń Mádenı kúnderi. Sonymen qatar, 6 qarashada Beıjińde Qazaqstan Respýblıkasynyń Mádenıet jáne aqparat mınıstri Muhtar Qul-Muhammedtiń qatysýymen eki el arasyndaǵy mádenı-gýmanıtarlyq yntymaqtastyq jónindegi kishi komıtettiń 9-shy otyrysyn ótkizý josparlanǵan.
Al 6-7 qarashada Almatyda Medısınalyq-sanıtarlyq alǵashqy kómek jónindegi Dúnıejúzilik densaýlyq saqtaý uıymy – Birikken ulttar uıymynyń Balalar qory – IýNISEF-tiń Almaty deklarasııasynyń 35 jyldyǵyna arnalǵan halyqaralyq konferensııasy ótedi. 7 qarashada Astanada Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshevtiń qatysýymen «Geologııalyq sala jáne jer qoınaýyn paıdalaný salasy damýynyń perspektıvalary men negizgi baǵyttary» taqyrybynda dóńgelek ústel ótkizý josparlanǵan.
Osy kúni, sondaı-aq, Astanada «Jańa Jibek joly» II halyqaralyq kólik-logıstıkalyq bıznes-forýmy ótedi. Onymen qosa, dál osy kúni «Astana Ekspo-2017» UK» AQ-ta Premer-Mınıstr Serik Ahmetov EKSPO-2017 Halyqaralyq mamandandyrylǵan kórmesiniń daıyndyǵy men ótkizý jónindegi Memlekettik komıssııanyń kóshpeli otyrysyn ótkizedi. Al Májiliste «Astana EKSPO-2017» Halyqaralyq mamandandyrylǵan kórmesin uıymdastyrý jáne ótkizý máseleleri jónindegi keıbir zańnamalyq aktilerge ózgerister men tolyqtyrýlar engizý týraly» zań jobasynyń tanystyrylymy ótedi.
«Egemen-aqparat».