«Qyzmetshi áıeldiń áńgimesi» atty áıgili romannyń avtory Margaret Etvýd mártebeli ádebı syılyqtardyń biri – Deıton syılyǵynyń laýreaty atandy. Jazýshy oǵan tvorchestvodaǵy kásibı jetistikteri úshin ıe bolyp otyr.
Syılyqty taǵaıyndaýshylardyń pikirinshe, Etvýd shyǵarmalary kórkemdik qýatynan bólek áleýmettik qundylyqqa da ıe. Bul ádebıettiń álem taǵdyryna sózsiz yqpal etetindigin dáleldep qana qoımaı, túrli elderdiń adamdary arasynda ortaq ádildik pen ózara túsinistiktiń ornaýyna áser etedi.
Qazylar alqasynyń tóraıymy Sheron Rabtyń atap ótkenindeı, Etvýdtyń álem ádebıetine qosqan úlesi ólsheýsiz: «О́z romandary arqyly Margaret Etvýd múmkin emes eshteńe joqtyǵyn bizdiń esimizge únemi salyp otyrady. О́zgerister, bálkı, olar jaǵymdy bolmaýy da múmkin, ómirimizde aıaq astynan oryn alýy yqtımal. Demokratııa zańdaryna kúmán keltirile bastaǵan búgingi kúnderi avtor kitaptarynyń mańyzdylyǵy arta túsedi».
Shyǵarmalaryndaǵy jaǵymsyz boljamdarǵa qaramastan, Etvýd ózin pessımıster qataryna qosýǵa asyqpaıdy eken. Onyń oıynsha, qazirgi zamanda optımızmge toly realıst bolyp qalý qajet – biz sonda ǵana kez kelgen qıyndyqty ońaı eńserip qoımaı, aýqymdy ózgeristerge yqpal ete alamyz.
Aıta keteıik, Margaret Etvýd – zamanaýı ádebıettiń eń kórnekti avtorlarynyń biri. Ol árqaısysy oqyrman júregine jol tapqan on jeti roman jazǵan, al AQSh-tyń sumdyqqa toly totalıtarlyq bolashaǵyn sıpattaıtyn «Qyzmetshi áıeldiń áńgimesiniń» jalǵasy bolyp tabylatyn «О́sıetter» kitaby jyldyń eń kóp satylǵan kitabyna aınaldy.