Osydan úsh jyl buryn Londondaǵy qoımadan quny 3,2 mıllıon dollar turatyn 200-ge jýyq qundy kitaptar joǵalǵan bolatyn. Endi sol urlanǵan kitaptar Rýmynııanyń soltústik-shyǵysyndaǵy Nıams aýyldyq jerindegi úıdiń edeniniń astynan tabyldy.
Qupııa orynǵa XVI-XVII ǵasyrlarǵa jatatyn Dante sýretteriniń sırek nusqalary men ıspan sýretshisi Franısko de Goıanyń eskızderi, sonymen qatar Galıleı men Isaak Nıýtonnyń qoljazbalary jasyrylǵan.
«Bul kitaptar aıryqsha qundy, onyń ústine halyqaralyq mádenı mura úshin asa zor mańyzǵa ıe», deıdi Londonnyń qylmyspen kúres jónindegi basqarmasynyń ofıseri Endı Darem. Aıta keteıik, jumystar Las-Vegasta ótetin kitap aýksıonyna tasymaldanar aldynda qoımada saqtalyp, tıeýge bir saǵat qalǵanda urlanǵan edi.
London polısııasynyń málimdemesinde aıtylǵandaı, qylmystyq top kúlli Ulybrıtanııanyń qymbat qoımalarynan jasalǵan urlyqtar serııasy úshin jaýapty. Bul qylmystar Klamparý qylmystyq klanynyń quramyna kiretin birqatar atyshýly rýmyndyq krımınaldyq otbasylarmen baılanysty eken.