Indettiń alǵashqy tolqyny talaı otbasyna qasiret bolyp kelip, azamatynan, aıaýly adamdarynan aıyrǵanyn kóz kórip, qulaq estise de, óz basyna túspegennen keıin aıylyn jııa almaı adamdar bar.Almaty qalasynyń taýarlar men qyzmetterdiń sapasy men qaýipsizdigin baqylaý Departamentinde monıtorıngtik toptardyń jumysyn saralaǵanda, sońǵy aptada 10 nysanda jáne 51 jeke tulǵanyń karantın rejımin buzǵany anyqtaldy. Salynǵan aıyppuldyń jalpy somasy – 5 mln teńge. Ákimshilik sottyń qaraýyna bir materıal tapsyryldy, dep habarlaıdy Egemen.kz.
Monıtorıngtik toptar jalpy osy jyldyń 17 tamyzynan beri ShOB-tiń epıdemııalyq talaptardy saqtaýyna qatysty 9 myńnan astam tekserý júrgizdi. Ákimshilik quqyqbuzýshylyq týraly 3801 hattama toltyryldy. 2693 jeke tulǵaǵa maska rejımin buzǵany úshin aıyppul salyndy. ShOB-tiń 1635 sýbektisi óz erikterimen qyzmetterin toqtatty. Sotqa 19 materıal tapsyrylǵan.
Negizgi tártipbuzýshylyqtar – maska rejıminiń saqtalmaýy, jumys rejıminiń buzylýy, dezınfeksııalyq quraldardyń joqtyǵy, sonymen birge jappaı kópshilik sharalardy uıymdastyrý.
Bıylǵy 18 qyrkúıekte Jetisý aýdany, Jangeldın kóshesi, 193 meken-jaıynda ornalasqan «Danııar» meıramhanasynda zańsyz «Uzatý toı» ótkizilgeni týraly aqparat kelgen. Odan keıin jedel túrde monıtorıngtik top Jetisý aýdanynyń jergilikti polısııa qyzmetiniń qyzmetkerlerimen birlesip tekserýge barǵan. Banket 50 adamnyń qatysýmen ótkizilgen. Jeke kásipkerge qatysty QR ÁQ týraly Kodeksiniń 425-babynyń 1-tarmaǵy boıynsha 230 AEK mólsherinde ákimshilik quqyqbuzýshylyq hattamasy toltyryldy. Odan bólek, osy jyldyń 20 qyrkúıeginde túngi ýaqytta Medeý aýdanynda jekemenshik úıde «Qudalyq» ótkizilip jatqany týraly aqparat kelip túsken. Monıtorıngtik toptyń Medeý aýdanynyń jergilikti polısııa qyzmetiniń qyzmetkerlerimen birlesip tekserýiniń barysynda aqparat rastaldy. Jeke tulǵalarǵa (shara uıymdastyrýshylaryna) qatysty eki ákimshilik hattama toltyrylǵan.
Sonymen birge, Áýezov aýdanynyń monıtorıngtik toptarynyń jumysy barysynda «Mıata» kafeterıiniń túngi 23-00-den keıin jumys istegeni, sondaı –aq, adamdardyń kóp toptasyp, jınalǵany anyqtaldy. Ákimshilik quqyqbuzýshylyq týraly Kodekstiń 425-babynyń 1-tarmaǵyna sáıkes, 230 AEK mólsherinde aıyppul salyndy.
Bas memlekettik dárigerdiń 2020 jyldyń 15 tamyzdaǵy №56 Qaýlysyna sáıkes, otbasylyq merekelerdi, este qalarlyq sharalardy (úılený toılary, mereıtoılar, qudaıy tamaq) ótkizýge, sonymen birge, úıge kóp adamnyń kelýine qatysty salynǵan tyıymnyń saqtalatynyn atap ótken jón. Bul sharalar koronavırýs ınfeksııasynyń taralý qaýpin tómendetý úshin qajet.
Osy arada Almaty qalasy ákiminiń tapsyrmasymen 26 monıtorıngtik top karantın sharalarynyń saqtalýyn baqylaý maqsatynda jumys isteıtindigin eske sala ketý kerek. Monıtorıngtik toptardyń quramyna aýdan ákimdikteriniń ókilderi, taýarlar men qyzmetterdiń sapasy men qaýipsizdigin baqylaý Departamentiniń, sonymen birge, polısııa qyzmetkerleri engen.