Sondaı-aq uly tulǵalardyń aıtqan sózderi de ilingen, dep habarlaıdy Egemen.kz.
Qalalyq ákimdiktiń málimdeýinshe, mádenıet jáne tilderdi damytý bólimi "El muraty" aksııasy aıasynda qoǵamdyq kólikterde uly Abaıdyń "Qara sózderi", Muhtar Áýezov, Ahmet Baıtursynov, Ábý Nasyr Ál-Farabı jáne ózge de tulǵalardyń dana oılary bar plakattar ilgen.Oǵan qosa, Pavlodar oblysynyń mádenıet jáne tilderdi damytý basqarmasynyń bastamasyn qoldap, memlekettik tildi úıretetin plakattardy da qosa ornalastyrǵan.
"Avtobýstarda árdaıym adamdar kóp. Meniń oıymsha, oryn durys tańdalǵan. Adam alǵashynda, múmkin, sózderdi jaı ǵana oqıdy, ekinshi ret – sanasyna quıady, al úshinshi ret – jattap ta alady. Sóıtip, ári qaraı otbasymen, joldastarymen sózdik qoryn molaıtady", deıdi plakattardy jabystyrýǵa belsendi atsalysqan "Atamura" mádenıet ortalyǵynyń dırektory Nursulý Tóleýbaeva.
Aıta keteıik, 4 kúnniń ishinde qalanyń 50-den astam qoǵamdyq kóligine 200-ge jýyq plakat ilindi.