Koronavırýs indetine qarsy otandyq vaksına Bilim jáne ǵylym mınıstri Ashat Aımaǵambetovke bir aı buryn egilgen. Bul faktini mınıstrdiń ózi rastap otyr, dep habarlaıdy Egemen.kz
"Kún saıyn klınıkalyq zertteýlerdiń nátıjelerin alyp turdym. Analızderdiń nátıjeleri men vaksınanyń tıimdiligin kórgen soń, otandyq vaksınany egý týraly sheshim qabyldadym. Sodan beri kóp ýaqyt ótti. О́zimdi jaqsy sezinemin, eshqandaı kataraldy qubylystar men dene qyzýy bolǵan joq", dedi Ashat Aımaǵambetov.
Mınıstrdiń aıtýynsha, ol KVI vaksınasyn jasaýdyń ár kezeńine qatysqan.
"Jumys istegen jyldar ishinde zertteýshiler qaýipti juqpaly aýrýlarǵa qarsy kóptegen preparat pen vaksınany ázirlep, qoldanysqa engizdi. Olar elimizdiń sheginen tys jerlerge de jetip, belsendi qoldanylyp keledi", dep málimdedi Bilim mınıstri.
Esterińizge sala keteıik, osy jyldyń 1 tamyzynda Dúnıejúzilik densaýlyq saqtaý uıymynyń saıtynda kandıdattyq vaksına retinde bıologııalyq qaýipsizdik problemalary ǵylymı-zertteý ınstıtýtynyń ekinshi qazaqstandyq vaksınasy sátti tirkelgen edi.