Tabıǵatty qorǵaý polısııasynyń qyzmetkerleri erekshe qorǵaýǵa alynǵan qyzyl jemsaýly qarasha qazdy atqan Qamysty aýdanynyń eki turǵynyn qamaýǵa aldy. Kúdiktilerdi tekserý barysynda olardyń sırek kezdesetin birneshe dala úıregi men otúırekterdi de atyp alǵany anyqtaldy, dep habarlaıdy Egemen.kz.
"Qostanaı oblysynda ań aýlaý maýsymyna baılanysty reıd sharalary kúsheıtildi. Kezekti reıd barysynda qyzyl kitapqa engen qustarǵa oq atý atý deregi tirkelip otyr. Kúdiktilerden tabylǵan ańshy myltyǵy men oqtar tárkilenip alyndy. Qazir Qamysty aýdandyq polısııa bólimi "Zańsyz ań aýlaý" baby boıynsha qylmystyq is qozǵap, tergeý sharalaryn júrgizip jatyr", - dedi Qostanaı oblysy PD tabıǵatty qorǵaý polısııasy bólimshesiniń bastyǵy Talǵat Ahmetov.
Tergeý barysynda sottyq-medısınalyq, bıologııalyq, trassologııalyq, ballıstıkalyq saraptamalar taǵaıyndalyp, memleketke keltirilgen shyǵyn kólemi eseptelýde.
Qostanaı oblysy