Jyl saıyn qyrkúıek aıynda Dúnıejúzilik qan qaterli isigine qarsy kúres kúni atap ótiledi, dep habarlaıdy Egemen.kz.
Is-shara qalyń jurtshylyqtyń nazaryn aýdarýǵa jáne halyqtyń qan júıesiniń qaterli aýrýlary, olardyń belgileri, erte dıagnostıkalaý jáne aldyn alý týraly habardar bolýy deńgeıin arttyrýǵa baǵyttalǵan.
Dúnıejúzilik qan qaterli isigine qarsy kúres kúni aıasynda 30 qyrkúıek kúni Almatyda Abaı atyndaǵy Qazaq memlekettik akademııalyq opera jáne balet teatrynyń ǵımaraty qan túzý júıesiniń aýrýymen aýyratyn pasıentterdi qoldaý jáne halyqtyń qan obyry týraly habardar bolýy deńgeıin arttyrýdyń belgisi retinde qyzyl túspen jaryqtandyryldy.
Jyl saıyn shamamen 5000 adam qannyń onkologııalyq aýrýlaryna ushyraıdy. Qazaqstandaǵy statıstıka boıynsha, qan qaterli isigi keń taralǵan onkologııalyq aýrýlardyń ondyǵyna kiredi. Sońǵy on jyl ishinde aýrýdyń azdap ósý tendensııasy baıqalady. Álemniń ózge bólikterinde de uqsas jaǵdaı oryn alǵan. О́tken ǵasyrdyń sońynda pasıentterdiń shamamen 60% - y mundaı dıagnozdy jeńe almady. Búgingi tańda zamanaýı medısına obyrdan bolatyn ólimdi azaıtýǵa múmkindik beredi, al bolashaqta onkologııanyń bul túri tolyqtaı emdelýi múmkin.