«Kólsaı kólderi» ulttyq memlekettik tabıǵı parki IýNESKO-yń búkilálemdik bıosferalyq rezervattar jelisine qosylýy múmkin.
Bul týraly 30 qyrkúıekte Ekologııa mınıstriniń orynbasary Erlan Nysanbaevtyń qatysýymen ótken "Kólsaı kólderi" memlekettik ulttyq tabıǵı parkiniń damý tujyrymdasynyń tanystyrylymy barysynda aıtyldy.
"Keshe Parıjdegi bizdiń dıplomattarymyz "Kólsaı kólderin" IýNESKO búkilálemdik rezervattar qataryna qosý týraly ótinish bergenin habarlaımyn. Bir jyl ishinde ótinishke baǵa beriledi. Shamamen keler jyldyń maýsym aıynda sheshim qabyldanady", - dedi IýNESKO "Adam jáne bıosfera" qazaqstandyq ulttyq komıtettiń tóraǵasy, zoologııa ınstıtýtynyń bas dırektory Roman Iаshenko jıyn barysynda.
Onyń sózinshe, ulttyq park atalǵan tizimge kirý arqyly halyqaralyq dárejege kóteriledi. Álemdik qaýymdastyq aldynda ekojúıeni saqtaýǵa qatysty jaýapkershilik artady.
Qazir Ekologııa, geologııa jáne tabıǵı resýrstar mınıstrligi "Kólsaı kólderi" ulttyq parkinde ekotýrızmdi damytýdy qolǵa almaq. Basty ıdeıa – týrıster kelýin qamtamasyz ete otyryp, ekojúıege zııan keltirmeý.
"Kólsaı kólderi" ulttyq parkinde ekotýrızmdi damytýdy qolǵa alǵan ınvestor jumysyn baqylaıtyn qoǵamdyq keńes te qurylmaq.