Qazaqstan Prezıdenti – Qarýly Kúshterdiń Bas qolbasshysy Qasym-Jomart Toqaev armııanyń áskerı jáne shuǵyl áreketterge daıyndyǵy, azamattardy áskerge shaqyrýdyń kúzgi naýqanynyń barysy, sondaı-aq Almaty oblysynda ótip jatqan bitimgershilik oqý-jattyǵý jıyny jóninde Qorǵanys mınıstri Nurlan Ermekbaevtyń esebin tyńdady, dep habarlaıdy Egemen.kz Aqordanyń baspasóz qyzmetine silteme jasap.
Memleket basshysy Qorǵanys mınıstrliginiń aldyna birqatar mindet qoıdy. Sonyń ishinde Qarýly Kúshterdi qalyptastyrý tujyrymdamasyn ázirleý kezinde Qazaqstan armııasynyń radıasııalyq jáne hımııalyq qorǵanysyna qajetti qural-jabdyqtardyń zamanaýı túrlerimen jabdyqtalýyna, áskerı-kólik avıasııasy men ınjenerlik áskerdi kúsheıtýge, ınfraqurylymdy damytýǵa erekshe nazar aýdarýdy tapsyrdy.
Qasym-Jomart Toqaev halyqaralyq áskerı yntymaqtastyqty damytýǵa, kadrlyq saıasat pen áskerimizdiń qysqy maýsymǵa daıyndyǵyna qatysty birqatar tapsyrma berdi.